VERDSKJENT: Stjerna Aurora kjem tilbake til Tysnesfest.
VERDSKJENT: Stjerna Aurora kjem tilbake til Tysnesfest.

Tysnesfest: – Stolte over at me har klart å lokka Aurora tilbake

Festivalen har hanka inn verdsstjerne og osing Aurora til neste års festival.
Publisert 02.12.2018 kl. 10.49. Oppdatert kl. 11.03.

– Me er stolte over at me har klart å lokka Aurora tilbake til Tysnesfest, skriv Tysnesfest i ei pressemelding.

22-åringen frå Lysefjorden i Os er ikkje framand for festivalen. I 2014 var ho første artist ut på Tysnesfest – berre 17 år gammal!

– Allereie då forstod me at dette var ein artist som ville få ein stor karriere, skriv Tysnesfest.


Artist i verdsklasse

Debutalbumet til Aurora, «All my demons greeting me as a friend», har meir enn 200 millionar strøymingar og over 500.000 selde eksemplar.

Med hits som «Running with the wolves», «Runaway» og «Forgotten love», har artisten skapt seg ei karriere på den internasjonale scena.

Aurora har turnert i USA, Sør-Amerika, Australia, Asia og Europa. I tillegg har ho vore å sjå på TV-program både her til lands og rundt om i verda.


Klar for Tysnesfest

28. september kom Aurora med eit nytt album, kalla «Infections of a different kind – Step 1». Albumet har hausta gode kritikkar.

Aurora skal spela p Tysnesfest den 12. juli.

– Det er svært kjekt å få besøk av ei stor internasjonal stjerne som kjem berre ein liten ferjetur unna Tysnes. Tysnesfest blir einaste festivalen der ein kan oppleva Aurora på Vestlandet neste sommar! skriv festivalsjef Øystein Vaage i ein e-post.


Siste saker Gå til framsida

Lesarbrev: Ja til norsk natur og ja til klimatiltak

Verden står i dag overfor to hovedutfordringer: klimautfordringen og tap av natur. For Norges Jeger- og Fiskerforbund Hordaland er det viktig at vi tar begge utfordringene på alvor. Vi må ta vare på naturen samtidig som vi støtter opp om tiltak for å håndtere klimautfordringene. Vår natur er leveområdet for planter, dyr og fisk. Den er også arena for friluftsliv til glede for folk...

Lesarbrev: Kultur – Språk

Tysnes er ein nynorsk-kommune. Det er derfor med stor undring eg har lese innlegg i avisa frå Tysnes Arbeidarparti sin formann og ordførarkandidat skrive på bokmål på vegner av partiet. Skal ein vera ordførar i Tysnes, må ein kunna uttrykkja seg skriftleg på nynorsk – eventuelt med hjelp frå andre. Kva ein sjølv nyttar privat i skrift og tale, er irrelevant. Avisa 5.9.2019...