MATAR SAUANE: Borna følgjer spent med når Helge fortel om sauane. Her peikar han på sjefen i flokken.
MATAR SAUANE: Borna følgjer spent med når Helge fortel om sauane. Her peikar han på sjefen i flokken.

Julestemning i Kulturløo på Drange

På garden vandra folk rundt i nisseluer med gløgg i koppen medan dei smilte og hygga seg. Romma var pynta med lange lyslenker og julepynt.
Publisert 02.12.2018 kl. 08.00. Oppdatert kl. 10.39.

For femte år på rad arrangerte Helge og Kari Drange, saman med familien, julemarknad i Kulturløo på Drange. Her kunne ein få med seg mange utstillarar med heimelaga produkt, og for borna var det lagt opp ei rekke kjekke aktivitetar.


Ein viktig tradisjon

For Kari og Helge har arrangementa på garden blitt ein viktig tradisjon. Garden arva dei frå foreldra til Helge, ei arv som for dei har vore svært viktig å ta vare på. I låven kan ein finna utstillingar frå gamle dagar og følgja historia sine spor langt tilbake i tid.

– Det er kjekt å kunna minnast gamle dagar, og sjå korleis dei nytta kreativiteten si til å klara seg, seier Kari.

På årets marknad kunne ein finna mykje ulikt som keramikk, produkt frå Dokkegalleriet og andre heimelaga produkt, i tillegg til pølser frå Garden på Dalland og ost frå Myrdal Gard.


Keramikkutstilling

Ei av utstillarane var Gunvor Sundal Davidsen, som viste fram ulike produkt laga av keramikk. Ho kjem frå Bergen men har hytte på Tysnes, som ho og mannen plar reisa til kvar helg.

På Flatråker har ho verkstaden sin. Dette var fjerde gongen ho deltok på marknaden. Keramikkinteressa har ho halde på med i mange år, og ho synest det er svært kjekt å driva med.

– Noko av det kjekkaste med å vera her er å møta folka og visa kva ein har laga. Det er ein svært koseleg plass å ha marknad på.


Kjekt på garden

To av dei besøkande var fetrane Oskar Haaskjold Måkestad og Wilhelm Haaskjold Gullachsen. Gutane kjem frå Bergen, men var på besøk på garden saman med besteforeldra. Det er fyrste gong dei vitjar garden, og dei synest det har vore mange kjekke aktivitetar.

– Eg har kjøpt meg ein ullsau på marknaden, smiler Oskar.

– Me har leita etter julenissen og fann han i ein slede. Så fekk me godteri, legg Wilhelm til.

Gutane sit saman og lagar julekort, den eine lagar til far og den andre er endå usikker. Seinare skal dei vera med ut når Helge skal mata sauene på garden.


For heile familien

Nede i underetasjen fann ein eit stort bord fylt med glade born som laga julepynt og kort. Her kunne ein òg ta seg ein kopp gløgg eller bakst.

For Kari og mannen er det viktig med eit arrangement for heile familien. Borna kunne blant anna vera med på å leita etter nissen og få godteri, sjå på sauene og å laga kort. Dette var noko som fall i god smak blant dei unge. Elles var det òg mogleg å handla frå dei ulike utstillarane eller sjå på gamle produkt dei har i utstillinga i løa. Det har vore mange besøkande innom i løpet av dagen, så mange at Helge fortel at dei har hatt eit parkeringsproblem.– Me har fått gode tilbakemeldingar på det me gjer, og me er svært takksame for at så mange har teke turen her i dag. Det beste med heile julemarknaden må vera å sjå at folk koser seg, smiler Kari.





IVRIGE ARRANGØRAR: Kari og Helge Drange synest det er viktig å ta vare på garden og laga ulike familiearrangement.
IVRIGE ARRANGØRAR: Kari og Helge Drange synest det er viktig å ta vare på garden og laga ulike familiearrangement.
VISTE FRAM KERAMIKK: Gunvor Sundal Davidsen viste fram ei utstilling av ulik keramikk.
VISTE FRAM KERAMIKK: Gunvor Sundal Davidsen viste fram ei utstilling av ulik keramikk.
GLØGG OG BAKST: Nede i kaféen var det mogleg å få seg gløgg eller god bakst.
GLØGG OG BAKST: Nede i kaféen var det mogleg å få seg gløgg eller god bakst.
KJEKT PÅ GARDEN: Fetrane Oskar Haaskjold Måkestad og Wilhelm Haaskjold Gullachsen var to av dei besøkande på garden.
KJEKT PÅ GARDEN: Fetrane Oskar Haaskjold Måkestad og Wilhelm Haaskjold Gullachsen var to av dei besøkande på garden.
DEKORERT TIL MARKNAD: Inngangen var fint pynta for dei mange besøkande.
DEKORERT TIL MARKNAD: Inngangen var fint pynta for dei mange besøkande.
VARIERT UTSTILING:  Blant produkta ein kunne finna var dokker frå Dokkegalleriet.
VARIERT UTSTILING: Blant produkta ein kunne finna var dokker frå Dokkegalleriet.
KOS RUNDT BORDET: Borna laga kort og juleønsker på bordet, med saft og gløgg i handa.
KOS RUNDT BORDET: Borna laga kort og juleønsker på bordet, med saft og gløgg i handa.
GODT UTVAL: Det var mogleg å kjøpa produkt frå Myrdal Gard og Garden på Dalland på marknaden.
GODT UTVAL: Det var mogleg å kjøpa produkt frå Myrdal Gard og Garden på Dalland på marknaden.

Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...