BLIR VERDSETT: Solbjørg Aase Haaland er den første som får juleblom av «Tysnes» i år. (Foto: Camilla Korsnes)
BLIR VERDSETT: Solbjørg Aase Haaland er den første som får juleblom av «Tysnes» i år. (Foto: Camilla Korsnes)

Liker å hjelpa andre – blei heidra med juleblom

«Tysnes» fekk tips om at Solbjørg Aase Haaland liker å hjelpa folk. Derfor får ho årets første juleblom.
Publisert 02.12.2018 kl. 06.00.

«Tysnes» møter Solbjørg Aase Haaland ein føremiddag, heime hos ho og ektemann Endre på Håland, for å overrekkja ein juleblom.

Tipset kom frå Bodil Sætre, som skreiv følgjande:

«Solbjørg Aase Haaland fortener ein blomst. Ho er så snill og hjelpsam med mor mi, Ingeborg Sætre. Ho stikk innom med fiskemat og andre godsaker, og er alltid å nå på telefon.»

– Korleis er det å få ei slik positiv tilbakemelding?

– Det er heilt greitt det. Det er no sånn det er, seier Solbjørg med eit forsiktig smil.


Liker å fiska

– Det er jo ikkje noko store greier eg gjer. Eg berre liker å fiska, så då stikk eg gjerne ned til Våge med fiskefiletar, heimelaga fiskekaker og liknande, seier Solbjørg, tydeleg ikkje typen til å skryta av seg sjølv.

I Våge bur Ingeborg Sætre, mor til tipsar Bodil Sætre.

Fiskinga byrja Solbjørg først med etter at ho blei pensjonist.

– Eg fiskar året rundt, visst vêret tillet det, seier ho.

Det ho får mest av er lyr og hyse.


Erfaring som heimehjelp

På spørsmål om ho meiner det er viktig at ein tar vare på kvarandre i samfunnet svarar ho kontant «Ja» med ein gong.

Det å hjelpa andre menneske er nemleg ikkje noko nytt for Solbjørg. Det er nemleg det ho har gjort store delar av sitt yrkesaktive liv.

– Eg har jobba som heimehjelp. Og så var eg husmorvikar i Austevoll i ti år. Det er jo dette eg har jobba med, fortel ho.

– Men det er no hyggjeleg at dei blir glade, seier Solbjørg.


Juleblomar frå «Tysnes»

Fram mot jul deler «Tysnes» ut fire juleblomar, basert på tips me har fått inn frå lesarane.

Dersom du veit om nokon som gjer det litle ekstra for medmenneska sine, slik som Solbjørg gjer, er du velkomen til senda inn tips.

Dette kan du gjera ved å senda ei melding til avisa på Facebook, ved å senda e-post til redaksjonen@tysnesbladet.no, eller ved å ringja til nokon i redaksjonen.

Hugs å grunngi kvifor akkurat ditt forslag fortener ein juleblom.


Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...