NATTSTENGT: Stussvikhovdatunnelen vert stengt nattestid mellom klokka 22.00 og 06.00 fram til fredag formiddag denne veka. (Arkivfoto: Ingunn Gjærde)
NATTSTENGT: Stussvikhovdatunnelen vert stengt nattestid mellom klokka 22.00 og 06.00 fram til fredag formiddag denne veka. (Arkivfoto: Ingunn Gjærde)

Stengjer tunnelen nattestid

Stussvikhovdatunnelen nattstengt denne veka.
Publisert 03.12.2018 kl. 14.17.

Statens vegvesen opplyser at Stussvikhovdatunnelen på strekninga Lukksund – Luren vert stengt nattestid frå mandag kveld til fredag morgon denne veka. Tunnelen vert stengt frå 22.00 på kvelden til 06.00 neste morgon.

– Det er kun utrykkingskøyretøy som får passera, fortel Roger Lemme i vegvesenet.

Årsaka til stenginga er bergsikring.

– Det er eit parti i tunnelen som må sikrast. Det er heilt standard vedlikehaldsarbeid. Me skal påføra sprutbetong, og då er det behov for å stengja fullstendig, seier Lemme.

Vegen gjennom Stussvikhovdatunnelen er den einaste ferjefrie vegen til Tysnes, og Lemme oppmodar reisande til å planleggja køyringa si med tunnelstenginga i bakhovudet.

Siste ferje frå Halhjem går 22.55, medan siste ferje frå Våge går 22.15.

Lemme opplyser at den kan henda arbeidet med tunnelen kjem til å fortsetja dei neste vekene også, men at det då forhåpentlegvis ikkje vil vera behov for å stengja tunnelen fullstendig.


Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...