SØSKEN: Håkon (5), Magnus (6) og Selma Trane (3) ser fram til jula.
SØSKEN: Håkon (5), Magnus (6) og Selma Trane (3) ser fram til jula.

Håkon, Magnus og Selma kom i julestemning i Grendatun

Søndag skulle julegrana i Uggdal tennast. Då var det duka for fakkeltog, musikk og julekaker.
Publisert 03.12.2018 kl. 17.07.

– Me skulle tenna grana! sa Magnus Trane (6).

Då «Tysnes» snakka med han, sat han med småsøskena Håkon (5) og Selma (3) i Grendatun, og venta på at nissen skulle komma.

Alle tre kunne avsløra at dei gledde seg til jul.

– Kvifor gleder de dykk til jula, då?

– Då får me gåver! gliste Magnus, og la til at han faktisk har bursdag andre juledag, medan veslesøster Selma har bursdag på veslejulaftan.

Dei er med andre ord ein rimeleg julete søskenflokk.


Nye og gamle tradisjonar

Å tenna julegrana har blitt ein årleg tradisjon i Uggdal. Nytt av i år var at det i tillegg blei arrangert eit fakkeltog, frå Smio og bort til julegrana.

Vel framme fekk ordførar Kåre Martin Kleppe æra av å tenna grana, og å ønskja alle velkomen.

Deretter spelte Tysnes skulekorps eit utval julesongar, før ein altså til slutt enda opp i Grendatun.

Det var ei travel helg for skulekorpset. Dei spelte både på julegateopninga i Lunde fredag, den i Våge laurdag og søndag i Uggdal.


Først ute

– Me var dei første som kom hit! sa Hilda Stien (10).

– Sprang de for å koma før dei andre?

– Nei, me blei køyrt, seier Hilda, til latter frå venninnene Vilde Amalie Aasen (10) og Sunniva Olsen Aslaksen (10).

Dei gle seg alle tre til jul, og Sunniva var klar på kva som er hennar personlege høgdepunkt:

– Gåver og mat, sa ho.


Nøgde arrangørar

– Dette var kjempebra! Det er ny rekord i tal på frammøtte, sa Trond Bakkane i Uggdal bygdalag.

At det var oppmøterekord var tydeleg, for Grendatun var fylt til randa med glade menneske i alle aldrar.

– Kva var bakgrunnen for at de ønskte å ha fakkeltog i år?

– Me har jo restaurert Smio, og me ville få litt aktivitet der, sa Trond.


BLEI KØYRT: Dei første i Grendatun søndag var Vilde Amalie Aasen, Sunniva Olsen Aslaksen og Hilda Stien.
BLEI KØYRT: Dei første i Grendatun søndag var Vilde Amalie Aasen, Sunniva Olsen Aslaksen og Hilda Stien.
GLADE: Tobias Frøyseth Olsen (5) og Matias Frøyseth Olsen (6) var utkledd som små nissar.
GLADE: Tobias Frøyseth Olsen (5) og Matias Frøyseth Olsen (6) var utkledd som små nissar.
NISSEN: Julenissen sjølv tok turen til Tysnes, for tredje gong på ei og same helg.
NISSEN: Julenissen sjølv tok turen til Tysnes, for tredje gong på ei og same helg.
FAKLAR: Toget blei arrangert for første gong i Uggdal søndag.
FAKLAR: Toget blei arrangert for første gong i Uggdal søndag.

Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...