KAFÉ: Niandeklasse stod for maten på messa. (Foto: Marit Gjøvåg)
KAFÉ: Niandeklasse stod for maten på messa. (Foto: Marit Gjøvåg)

Niandeklasse hadde kafé på messa

Laurdag var det duka for julemesse og kafé på Reksteren.
Publisert 05.12.2018 kl. 08.19.

– Idrettslaget har ein bruktbutikk som me har open av og til, og der er det mykje fint. I helga utvida me det, ved å invitera fleire som kunne selja ting dei hadde laga, fortel Marit Nancy Allard Gjøvåg.

Det var laurdag 1. desember messa blei arrangert, same dag som julegateopninga i Våge og julemessa i Lunde.

Ifølgje Gjøvåg var det varierte utstillarar.

Ho nemner blant anna Bjørg Hope, som hadde med fleire juleting, og Ninni Alice Botnen Nesbø, som hadde måla flotte akvarellar.

Tor Brandt hadde med seg treskjering og smijernsprodukt, medan Andreas Frøkedal hadde bakt kaker for anledninga.

– Og så hadde eg med meg Tysnes-festdrakt, seier Gjøvåg.

– Tysnesfest-drakt? T-skjorte, liksom? spør journalisten.

– Nei, ei bunad-liknande drakt frå Tysnes, forklarar Gjøvåg til ein småflau journalist.

I tillegg til ymse utstillarar, var fleire elevar frå niandeklasse ved Tysnes skule til stades.

Dei hadde kafè, for å samla inn pengar til klassetur.


Siste saker Gå til framsida

Tjelden kom rekordtidleg

Måndag denne veka melde Svein Ove Agdestein at han hadde sett tjelden for fyrste gong i år. Det er rekordtidleg.– Normalt plar tjelden koma 8. eller 9. mars. Eg har aldri før registrert ein tjeld så tidleg som 18. februar, fortel Svein Ove Agdestein.I over 30 år har han følgt med på når den fyrste tjelden har meldt sin ankomst på Siriskjeret, den ytterste tuppen på...