TØFFE DUELLAR: Njardar/Tysnes sitt a-lag kan venta seg mange tøffe utfordringar i 6. divisjon neste år. Her er Terje Hagen i duell med eit par Tyssedal-spelarar tidlegare i haust. (Arkivfoto)
TØFFE DUELLAR: Njardar/Tysnes sitt a-lag kan venta seg mange tøffe utfordringar i 6. divisjon neste år. Her er Terje Hagen i duell med eit par Tyssedal-spelarar tidlegare i haust. (Arkivfoto)

A-lagsmotstandarane er klare

Njardar/Tysnes sitt a-lag kan venta seg ei tøff og spennande avdeling, og reiser i alle retningar i 6. divisjon neste år.
Publisert 06.12.2018 kl. 19.00.

I haust kunne Njardar-herrane jubla for fyrste opprykk på over 20 år. Det har den siste tida vore knytt stor spenning til kva lag tysnesingane skal møta i 2019, og onsdag fekk klubbane tilsendt avdelingslister frå kretsen.

For Njardar sin del vert det langt færre turar til Bergen enn i år, og fleire «lokaloppgjer». Laget mister riktignok oppgjera mot Ølve-laget Strand-Ulv, men får nye motstandarar både i Os, Fusa, Kvinnherad og Fitjar.


Lokal motstand

Av dei ti laga i avdelinga, er halvparten frå Sunnhordland, to frå Os og tre lag frå Bergen. For tysnesingane vert det turar i alle himmelretningar når det skal kjempast om poeng neste år. I Fusa skal a-lagskarane møta Eikelandsfjorden, som i fjor lenge kjempa om andreplass i avdelinga og opprykk til 5. divisjon.

Eit par turer over Hardangerfjorden vert det også. I Kvinnherad skal gultrøyene kjempa mot Rosendal og Halsnøy. Rosendal enda midt på tabellen i 6. divisjon i år, medan Halsnøy rykte ned frå 5. divisjon.

I same avdeling som Halsnøy rykte også Fitjar ned. Dermed vert det også ein tur over Langenuen til Sandvikvåg for Njardar neste år.


Over Bjørnafjorden

Også Os-klubbane kan reknast som lokale motstandarar. På nordsida av Bjørnafjorden skal Njardar i aksjon mot Nore Neset og Søre Neset. Fyrstnemnde enda på fjerdeplass, plassen bak Eikelandsfjorden, i 6. divisjon denne sesongen. Søre Neset på si side, følgjer Njardar/Tysnes opp frå 7. divisjon. Søre Neset enda berre som nummer fire i si avdeling, men grunna ein komplisert situasjon med Trott sitt andre- og tredjelag, og Løv-Ham sitt fyrste- og andrelag, fekk osingane ein kvalifiseringsplass om opprykk.

Den same kompliserte situasjonen påverka også Njardar si avdeling, og gjorde at dei rykte direkte opp frå ein andreplass som normalt hadde gjeve kvalik.

Søre Neset gjorde jobben i to kvalifiseringskampar mot Fedje, og sikra opprykket til 6. divisjon.


Skandalekamp

Dei tre siste laga må Njardar til Bergen for å møta. Eit av desse laga er den Nesttun-baserte klubben Bergkrystall, som i fjor spelte heimekampane sine i Åsane. Bergkrystall var i år best i si 7-divisjonsavdeling og rykka opp. Men laget fekk nok denne sesongen meste merksemd etter ein kamp mot Hordabø i kretsmeisterskapen.

Etter ti gule og fem raude kort måtte dommaren avbryta oppgjeret mot Hordabø. I følgje regelverket må eit lag ha minimum sju spelarar på banen for at ein kamp kan gjennomførast. Kampen fekk merksemd i lokalavisene i Nordhordland, og Strilen omtalte det som ein «skandalekamp».

– Det begynte med ein god tone inntil Hordabø fekk straffe etter 17 minutt. Då starta ein tirade og negativ storm mot dommaren som varte dei neste 75 minutta, sa dommar Børge Lindbæk til Strilen etter oppgjeret i starten av november.

Bergkrystall består av polakkar busett i Bergen, og vert sett på som eit lag med mykje temperament og aggressivitet, men også med mykje talent.

Dei to siste bylaga er Laksevåg og Viggo. Begge laga kjem frå andre 6. divisjonsavdelingar, der dei begge enda midt på tabellen. Viggo er eit lag som i fleire år har hatt ambisjonar om opprykk til 5. divisjon, utan å få ut sitt fulle potensial.

LES OGSÅ: Sjømannen Alexander (30) kåra til den mest framgangsrike på fotballbanen


Siste saker Gå til framsida

Debatt: Avisa skal fram

Det er viktig at regjeringa legg til rette for distribusjonsløysingar som er føreseielege på ein slik måte at det er råd for avisene å tilpassa utgjevingane sine. Regjeringa vil no kutta ned på postomberingsdagar til 2,5 dag i snitt kvar veke. Framlegget er at eine veka er det postlevering måndag, onsdag og fredag, og andre veka er tysdag og torsdag. Det gjer at avislevering ikkje er...