HAVREKJEKS: Jorunn Bjordal viste Ghirmay Nyusse og Samrawit Zerea korleis ein lagar havrekjeks. (Foto: Vetle Mikkelsen)
HAVREKJEKS: Jorunn Bjordal viste Ghirmay Nyusse og Samrawit Zerea korleis ein lagar havrekjeks. (Foto: Vetle Mikkelsen)

Lærte å baka tre sortar

I dag fredag inviterte Tysnes bygdekvinnelag og Tysnes frivilligsentral flyktningane i kommunen på julekakebaking.
Publisert 07.12.2018 kl. 13.45.

– Dette er første gongen me baker, fortel Jorunn Støle Bjordal, leiar i Tysnes bygdekvinnelag.

Saman med Tysnes frivilligsentral, har bygdekvinnelaget i dag invitert lokale flyktningar til å koma og baka julekaker.

Det er ikkje første gong flyktningane blir invitert til å læra om norsk mat. I sommar gjekk frivilligsentralen saman med Tysnes komlelag, for å læra vekk den edle kunsten å laga komler.


Kjekt å dela kunnskap

– Me synest det er kjekt at innvandrarar frå andre land kan koma og læra om norske baketradisjonar. Eit anna år kan kanskje dei læra oss noko om sine tradisjonar, seier Bjordal.

– I dag baker dei tre sortar. Det er peparkaker, brune pinnar, og havrekjeks, smiler Bjordal, og legg til at ho trur dette kan bli ein fin tradisjon i åra som kjem.


Interesserte deltakarar

Alle dei frammøtte verkar interesserte og lærevillige.

– Eg kjem frå Eritrea. Der har me andre juletradisjonar enn i Norge, fortel Ghirmay Nyusse.

– Me er ortodokse kristne, så me feirar jul 7. januar, smiler Nyusse.

– Det er veldig interessant å læra om norske tradisjonar, avsluttar han, mens han smelta smør til havrekjeksa.


FERDIGLAGA: Deigen til peparkakene og dei brune pinnane hadde bygdekvinnene laga på førehand. (Foto: Vetle Mikkelsen)
FERDIGLAGA: Deigen til peparkakene og dei brune pinnane hadde bygdekvinnene laga på førehand. (Foto: Vetle Mikkelsen)
RULLING: Ein av sortane som blei bakt var brune pinnar. (Foto: Vetle Mikkelsen)
RULLING: Ein av sortane som blei bakt var brune pinnar. (Foto: Vetle Mikkelsen)

Siste saker Gå til framsida

Leiar: Lokale stadnamn handlar om identiteten vår

Det var ein grundig og til dels heftig debatt då Tysnes kommune for nokre år sidan skulle handsama saka om stadnamn og vegadresser. I kommunestyret vart det stort fleirtal for å nytta o-endingar i lokale stadnamn. Det vart ikkje godt motteke hjå Statens Kartverk. Kartverket krov at lokale stadnamn som Årbakkaheio, Skåte, Eiabrekko og Skåravågen vart endra til Årbakkaheia, Skotet,...