JULEKONSERT: Torstein Hatlevik og Ailie Reed leverte flotte tonar på Haaheim fredag.
JULEKONSERT: Torstein Hatlevik og Ailie Reed leverte flotte tonar på Haaheim fredag.

– Trur folk likte det

Humor, varme og store songprestasjonar under julekonsert på Haaheim.
Publisert 08.12.2018 kl. 18.14.

Fredag inviterte Haaheim Gaard til den fyrste av to julekonsertar. Det var Torstein Hatlevik sjølv, saman med gjestar, som framførte eit variert spekter av kjente og kjære julelåtar, ukjente godbitar og anna musikalsk snacks.


Gjestesolist og kor

Med seg hadde han sin britiske vennine Ailie Reed, som har doktorgrad i song, og ei nydeleg sopran-stemme. Ho song både aleine, mellom anna ein vakker versjon av «O’ Holy Night», og saman med Hatlevik. Dei viste flott samspel. og framførte nokre nydelege duettar fredag kveld.

– Kor og jul høyrer også i lag, sa Hatlevik etter dei fyrste nummera, før han introduserte kvinnekoret Corona frå Stord. Dei hadde fleire populære innslag, mellom anna «Den fyrste julenatt», og «Home for Christmas» av Maria Mena.

I tillegg var Irene Simonsen med som kordirigent og pianist gjennom heile konserten.


God respons

Hatlevik og gjengen leverte eit show med både humor, varme og god julestemning, og hausta stor applaus frå publikum etter konserten. Det var mange som gjekk nøgd vidare til middagen etter forestillinga.

– Det var utruleg bra, fortel Vibeke Dahl frå Haugesund, som var på Haaheim for fyrste gong.

Fleire var einige i den vurderinga.

– Det var ein stor oppleving, seier Cato Grønning frå Bømlo.

Også Hatlevik sjølv var godt nøgd med showet.

– Eg trur folk likte det. Ein slik julekonsert er noko me har tenkt å fortsetja me, fortel «husfaren» på Haaheim.


Siste saker Gå til framsida

Vegstenging - Myrdal

Vegen til Myrdal vert stengt fredag 22. mars mellom klokka 0800 og 15.00 på grunn av vegarbeid. Gjeld for for privatbilar på strekkja ovanfor Hagen. Brann og ambulanse får passera.