BLANDAKOR: Vil du høyra på denne blide gjengen, må du ta turen til Ølve kyrkje på torsdag. (Foto: Røysterett for Alle)
BLANDAKOR: Vil du høyra på denne blide gjengen, må du ta turen til Ølve kyrkje på torsdag. (Foto: Røysterett for Alle)

– Me trur det skal verta ei triveleg stund

Publisert 08.12.2018 kl. 10.00.

Torsdag neste veke kjem blandakoret Røysterett for Alle til Ølve kyrkje. Koret frå Uskedalen har 30-årsjubileum i år, og julekonserten i Ølve vert siste del av feiringa.

– Korstoffet i konserten femnar om både gamalt og nytt, noko kjent og tradisjonelt, og noko mindre kjent og ikkje så vanleg. Ikkje alt er direkte julestoff, men det høver likevel godt i ein samanheng som denne, fortel kormedlem Svein Rimestad.

Til å akkompagnera på klaver har dei fått Frode Kaldestad, ein musikar dei har hatt med seg i mange musikalske oppsetjingar tidlegare. Og for at det ikkje berre skal verta korsong, stiller gitarist Einar Steinkopf og saksofonist Fridar Malmsten Steinkopf med eiga avdeling. Maria Malmsten er dirigent.

– Me trur det skal verta ei triveleg stund, og rår så mange som mogleg til å unna seg eit lite avbrekk i ei travel julestri, sluttar Rimestad håpefullt.


Siste saker Gå til framsida

Den einaste bollebasaren i verda

To gonger i året blir det skipa til bollebasar på Jensvoll. Styreleiaren for Jensvoll bedehus trur dei har den einaste bollebasaren i heile verda.

Saknar du sofaputa di?

Denne grøne puta blei tysdag føremiddag observert einsam og forlaten i vegbanen på Onarheimsfjellet. Designet er ikkje siste skrik, så den førebelse teorien er at puta kan ha vore ein del av eit tilhengjarlass, på veg mot den sikre død i Eredalen. Men om nokon likevel skulle sakna puta, kan den hentast hos «Tysnes» i Teiglandsvegen 5. Enn så lenge har den fått ein ny sjanse.

Startar prosessen med grunnkjøp til ny barnehage

Kommunestyret har tidlegare vedtatt å byggja ny barnehage på Onarheim. Totalt sett er kostnadsramma på 36,6 millionar kroner, og allereie neste år har kommunen sett av over 13 millionar kroner til prosjektet i investeringsbudsjettet.I år er det også sett av litt midlar for å koma i gang med prosjektet, og i førre kommunestyremøtet diskuterte politikarane grunnkjøp. Politikarane gjekk...