GLATT: Saltebilen var ute på strøing. Men det var så glatt at bilen køyrde utfor.
GLATT: Saltebilen var ute på strøing. Men det var så glatt at bilen køyrde utfor.

Saltebil utfor på glatta

Ein saltebil ute på oppdrag for å salta hamna utfor vegen ved Flakkavåg i sju-halv åtte-tida måndag morgon.
Publisert 10.12.2018 kl. 08.54. Oppdatert kl. 08.58.

Uhellet skjedde nederst i Flakkabrekka, like nedanfor forsamlingshuset Vodlatun. Saltebilen var på veg mot Onarheim då bilen for rett fram i ein venstresving nederst i brekka. Saltebilen hadde strødd frå Reiso til Flatråker og Hodnanes, før den sette kursen mot Onarheim.

Det var veldig glatt i Flakkabrekka. Ein betongbil som kom ferja frå Hodnanes i sjutida hadde problem med å koma seg opp brekka. Nesten på toppen sklei bilen baklengs nedover, men sjåføren klarte å svinga seg inn på plassen framfor Vodlatun. På veg nedover hadde bilen vore utfor vegen og utpå ein bakke. Sjåføren la på kjettingar då «Tysnes» var på staden.

Sjåføren på ein annan stor bil fortel at han sleppte både betongbilen og dei andre bilane forbi allereie på ferjekaien. Han har køyrt strekkja mange gonger, og frykta at det kunne vera glatt. Ved ulukkesplassen kunne han på avstand konstatera at betongbilen hadde problem, og stoppa for å venta. I mellomtida køyrde saltebilen forbi. Men den kom berre hundre meter lenger fram før den for utfor. Betongbilen stod litt lenger oppe.

Sjåføren i saltebilen fortel at redningsbil er rekvirert for å få bilen opp att.


Siste saker Gå til framsida

Har studert tilstanden til den store eika i Våge

«Festivalkontoret» i Våge skal utvidast. Derfor trong Fonna AS meir info om den gamle eika ved kontoret.– Eg kom med ei anbefaling om å finna ut litt om vitaliteten og helsetilstanden til treet, og gjerne òg finna ut risikoane med treet, seier arborist Kristoffer Nerhus, dagleg leiar i Hardanger Hagehjelp.Han kom i kontakt med Sigvard Madsen i Fonna AS, som følge av...

Tommy stod på og lukkast

Endeleg, etter fire års innsats av fleire gode krefter, og ikkje minst Tommy Gundersen (24) sjølv, har han fått lærlingeplass og er nærast sikra jobb i framtida.