RUTINERT: Dyktige Camilla Sjøvold er blant solistane på Tysnes musikklag sin julekonsert. (Arkivfoto: Ingunn Gjærde)
RUTINERT: Dyktige Camilla Sjøvold er blant solistane på Tysnes musikklag sin julekonsert. (Arkivfoto: Ingunn Gjærde)

Klart for tradisjonsrik konsert med Tysnes musikklag

Laurdag arrangerer Tysnes musikklag julekonsert i Tysnes kyrkje, med dyktige musikarar både frå og utanfrå Tysnes.
Publisert 12.12.2018 kl. 13.22.

– Ein vil få høyra alt frå Edvard Grieg til tradisjonelle julesongar. Det blir nok nokre songar som er nye for folk òg, fortel Arve Belt i Tysnes musikklag.

Det blir med andre ord eit variert program, når musikklaget atter ein gong opnar dørene i Tysnes kyrkje, til den tradisjonsrike julekonserten sin.


Gjestemusikarar utanfrå

– I år har me fått inn to gjesteartistar. Det er Siw Noria Øiongen frå Sandnes, og Martha Berit Belt, seier Belt.

Siw Noria er songsolist, mens Martha Berit er pianist.

– Begge har røter på Tysnes. Det er naturleg for oss å nytta artistar med lokal tilknytning, held Belt fram.

Både Siw Noria og Martha Berit er i tillegg i slekt med Arve Belt. Førstnemnde er niesa hans, medan sistnemnde er søskenbarnet hans.


Høgt nivå

Artistane er ifølgje Belt på musikalsk høgt nivå.

– Siw Noria er musikkutdanna, og har vore med i fleire musikalopsetjingar. I tillegg driv ho aktivt med song og kor, seier han.

I tillegg har pianist Martha Berit høg utdanning innanfor sitt instrument. I 2016 fullførte ho ein mastergrad ved Griegakademiet i Bergen.


Trur det blir bra

– Korpset kjem til å ha sine eigne greier, i tillegg til ting saman med songsolisten. Pianisten og songsolisten kjem òg til å spela saman, seier Belt.

Sjølv har han vore innom ymse instrument i løpet av si tid i musikklaget. Akkurat no for tida er det eufonium det går i.

– Eg forventar at det blir ein bra konsert, med fullt hus og høgt nivå, avsluttar Belt.


Siste saker Gå til framsida

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...