BROILER: EDM-duoen beståande av Mikkel Christiansen og Simen Auke kjem til Tysnesfest neste år.
BROILER: EDM-duoen beståande av Mikkel Christiansen og Simen Auke kjem til Tysnesfest neste år.

Broiler til Tysnesfest: – Me veit at dette blir heftig

I det nyaste sleppet til Tysnesfest, blir det avslørt at duoen Broiler kjem til festivalen neste år.
Publisert 13.12.2018 kl. 08.41. Oppdatert kl. 11.22.

– Broiler er godt i gang med å erobra verda, men for å erobra verda må ein nesten innom Tysnesfest eit par gongar, skriv Tysnesfest i ei pressemelding.

Duoen består av Mikkel Christiansen og Simen Auke frå Drammen. Dei er store innan EDM-sjangeren (elektronisk dansemusikk), og blei først kjende i 2011 under namnet DJ Broiler.


Ikkje første gong på Tysnes

– Dei var hjå oss i 2016, og det går framleis gjetord om laurdagskvelden der ingen klarte å stå i ro, skriv Tysnesfest.

Ifølgje festivalen fekk Broiler sin musikk danseføtene i gang, hos unge så vel som gamle.

– Gjerstad syda av liv som aldri før, heiter det i pressemeldinga.


Høge forventingar

– Broiler leverte bokstavleg talt eit fyrverkeri av eit show sist, og dei kjem garantert ikkje til å slå mindre på stortromma neste sommar. Fyrverkeri, flammer, dansarar, LED-robotar og eit sceneshow utan like! skriv den lokale musikkfestivalen i pressemeldinga.

Duoen er blant anna kjent for songar som «Afterski», «Wild Eyes» og «Lay it On Me». «Wild Eyes» blei nominert til Spellemannprisen 2014.


Appellerer til mange

– Me veit at dette blir heftig. Førre gong tok det heilt av, seier festivalgeneral Øystein Vaage til «Tysnes».

– Trur du at Broiler appellerer til kjernepublikumet til festivalen?

– Broiler viste seg å appellera til alle, og det er eigentleg det som er vårt kjernepublikum. Det er vel hittil det som har skapt mest liv på Gjerstad, seier Vaage.

Broiler blir å sjå på scena 13. juli neste år.


Siste saker Gå til framsida

Leiar: Bør prioritera fast tilsette i helsevesenet framfor vikarbyrå

Eit godt tilbod frå helsevesenet i Tysnes er grunnleggjande viktig for alle som har rett på og som mottek helsetenester i kommunen vår. Difor er det positivt at leiinga i kommunen med rådmannen i spissen omgåande tek tak i avvik når det skjer.Avvik skal ikkje skje. Det skjer likevel. Behandlinga som Anne Margrethe...

Debatt: Mobildekning

I dagens samfunn er mobiltelefonen blitt vår hovedforbindelse med omverden. Samfunnet legger opp til at vi skal være tilgjengelig store deler av døgnet, uansett hvor vi befinner oss. Arbeidsgivere stiller de samme kravene. Fasttelefonen utraderes og det blir satset på mobilbruk.Fler og fler kvitter seg med fasttelefonen. Svigermor på 86 år bruker kun mobil. Da får vi tak i henne...