YNSKJER DEBATT OM SMÅBRUK: – Me treng fleire fastbuande og me treng ljos i husa rundt omkring, seier lokalpolitikar Arve Belt (V), som ynskjer debatt om kva Tysnes vil med småbruka. Her frå møtet i landbruk-teknisk sist veke, der han tok opp saka. I bakgrunnen: Gjermund Lygre Kongsvik (delvis skjult, Magne Skartveit og planansvarleg Morten Anthonessen.
YNSKJER DEBATT OM SMÅBRUK: – Me treng fleire fastbuande og me treng ljos i husa rundt omkring, seier lokalpolitikar Arve Belt (V), som ynskjer debatt om kva Tysnes vil med småbruka. Her frå møtet i landbruk-teknisk sist veke, der han tok opp saka. I bakgrunnen: Gjermund Lygre Kongsvik (delvis skjult, Magne Skartveit og planansvarleg Morten Anthonessen.

– Skal me få ljos i husa, må småbruk seljast til folk som vil busetja seg

Lokalpolitikar Arve Belt (V) vil ha ein politisk debatt i Tysnes om korleis landbruk/teknisk skal handsama søknader om oppdeling av småbruk.
Publisert 14.12.2018 kl. 06.00.

Saka kom opp i landbruk/teknisk sist veke, i samband med at politikarane nok ein gong fekk ei sak på bordet om oppdeling av eit gardsbruk.

Søknaden denne gongen galdt ein gard på Sletteskog, på vel 600 dekar.

Dei noverande eigarane av garden ynskjer å selja skog, utmark og delar av innmark til Gerhard Alsaker. I tillegg søkjer dei om å dela frå det eksisterande gardshuset på fem dekar og selja denne som ein separat eigedom, og vidare dela frå ein parsell på fem dekar som tilleggsareal til ein eksisterande fritidseigedom som tidlegare er delt frå hovudbruket.


Bør ha retningsliner

– Kva vil me med småbruk i Tysnes? Vil me at dei skal forsvinna og bli pulverisert, eller vil me ha dei som småbruk og buplassar? Eg ynskjer at dette blir drøfta på høgare politisk nivå i kommunen, slik at me har retningsliner å gå etter når me skal handsama slike saker, tok Arve Belt til orde for på møtet.

– Eg er ikkje ueinig i det. Einkvan bør bestilla ei utgreiing i formannskapet der ein ber om kommunen sitt syn på jordbrukseigedomar, kommenterte utvalsleiar Egil Berge (H).

– Men når seljar og kjøpar har gjort ein avtale, ser eg ikkje nokon grunn for å hindra det. Men Tysnes kommune kan ha ein politikk på korleis ein ynskjer det, la Berge til.


Ynskjer ljos i fleire hus

Til «Tysnes» presiserer Arve Belt at det ikkje er denne eine saka åleine som er grunnen til at han tok opp spørsmålet.

– Me har vore borti mange delingssaker der det kjem søknader om å dela opp småbruk. Eg synest det er greitt at me har politiske føringar for slike saker, i staden for at nokon får ja og nokon nei, seier han.Sjølv er han oppteken av å få fleire til å busetja seg på Tysnes.

– Me treng fleire fastbuande og me treng ljos i husa rundt omkring. Sjølv meiner eg det er viktig å ta vare på småbruk, slik at det ikkje er nokon som skal eiga mykje, seier Belt.

– Og viss det stemmer, som det er sagt, at det skal vera venteliste med interesserte som ynskjer småbruk, så er det uheldig at bruk blir delt opp. Då bør dei som ynskjer småbruk få sleppa til, seier han.


Siste saker Gå til framsida

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...