KLARE FOR KONSERT: Elevane på Uggdal skule gler seg til å framføra «Knut og Fjompenissen» tysdag. Bak frå venstre: Jeanette Sofia Misje, Ronja H. Haugstad, Mathilde Sætre og Denis Titoks. Framme frå venstre: Madelen L. Hillesvik og Selma Nikolaisen. (Foto: Amalie Lunde Bakke)
KLARE FOR KONSERT: Elevane på Uggdal skule gler seg til å framføra «Knut og Fjompenissen» tysdag. Bak frå venstre: Jeanette Sofia Misje, Ronja H. Haugstad, Mathilde Sætre og Denis Titoks. Framme frå venstre: Madelen L. Hillesvik og Selma Nikolaisen. (Foto: Amalie Lunde Bakke)

Byr på nissar og pingvinar

Uggdal skule er klar for framsyning av julemusikalen «Knut og Fjompenissen».
Publisert 15.12.2018 kl. 15.00.

– Det vert både humor og julestemning, samtidig som det ligg gode bodskap i botn, fortel Bente Raknes.

Uggdal-rektoren gler seg til skulen neste veke inviterer til show i Tysneshallen.

– Det vert kjekt og spennande, med både song, dans og skodespel, seier ho.


Musikal

Det er julemusikalen «Knut og Fjompenissen» som skal framførast på tysdag.

– Det handlar om hovudpersonen Knut, som treng hjelp til å redda julefeiringa. Samtidig handlar det litt om gode verdiar i livet. Om å vera annleis, og å ta vare på kvarandre, dyra og planeten, fortel rektoren.

Ho pratar engasjert om stykket, og kva publikum kan forventa.

– Me har sju ulike scenar, me har song og musikk, og me har store roller. Det handlar om nissar, snømenn og pingvinar, og ein får mellom anna møta ein kulturnisse, ein hjulnisse som køyrer Nissan, ein villnisse og ein diakonisse, fortel ho.


Veks med ansvar

Å setja opp ei framsyning før jul har vorte ein tradisjon for skulen.

– Kvar haust kjem fjerdeklassingane og forventar at det no er deira tur til å stå på scenen, seier Raknes.

Det er nemleg ofte dei eldste elevane som får mest ansvar under framsyninga, noko dei ifølgje rektoren trivst med.

– Dei som har mykje ansvar veks veldig på det. Elevane har ein enorm kapasitet når det gjeld å læra seg ting utanåt. Dei overraskar seg sjølv med alt dei får til, og dei synest det er kjempegøy med roller og ansvar. Jo meir ansvar dei får, jo meir toler dei.

For elevane som ikkje har dei største rollene på scenen, er det andre ansvarsområde å fylla.

– Nokre elevar skal vera rekvisitørar, medan andre skal vera med kvelden før for å rigga scenen saman med foreldre, fortel Raknes.


Tysneshallen

Julekonserten til Uggdal skule har i mange år vore arrangert i Uggdal kyrkje, men vert i år sett opp i Tysneshallen. Rektor Raknes lovar eit solid opplegg i hallen.

– Me køyrer eit heilt profesjonelt oppsett i Tysneshallen, med stor scene og fullt lyd- og lysanlegg.

Ho trur publikum kan forventa ei flott oppleving på tysdag.

– Viss ein vil koma i julestemning, så er dette staden å vera, og det er mykje god humor, både for born og vaksne.


Siste saker Gå til framsida

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...

Dugnad i Peralio

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av...