TOPPSCORAR: Kristin van der Meeren med målforsøk i 1. omgang. Totalt fekk ho inn sju mål mot Fana.
TOPPSCORAR: Kristin van der Meeren med målforsøk i 1. omgang. Totalt fekk ho inn sju mål mot Fana.

Solid innsats mot Fana

Søndag kjempa tysnesdamene seg til ein overtydande 27–21-siger.
Publisert 16.12.2018 kl. 19.15. Oppdatert 17.12.2018 kl. 10.45.

Etter ein tøff haust med seks tap og to sigrar, fekk Tysnes IL sitt damelag heldigvis ei topp «juleavslutning» i helga. To nye poeng gav klatring på tabellen, og laget ligg i skrivande stund på 6. plass i si avdeling i 5. divisjon.


Sette standarden tidleg

Kampen starta med ei scoring frå Fana, men det tok ikkje mange sekund før Kristin van der Meeren utlikna til 1–1. Så sette Linn Bergesen heimelaget i 2–1-leiing, og etter dette var Tysnes i tet resten av kampen.

Raudtrøyene stod godt i forsvar, og lengst bak varta Ragnhild Dalland opp med imponerande redningar. Då ho nokre minuttar før pause redda ein retur i tillegg, hoppa tysnestrenarane i lufta. Redning på straffe blei det også, til stor applaus frå publikum.

Til pause leia heimelaget 16–12.


– Trekka våre sit betre

Etter kvilen auka Tysnes leiinga, og det gjekk ikkje lang tid før stillinga var blitt 20–13. Thea Sløgedal var gjest på laget denne dagen, og bidrog med fem fine mål i 2. omgang.

Til slutt vann Tysnes med seks fleire mål enn gjestene; 27–21.

– Innsatsen i dag var veldig god. Me gjer det me er blitt einige om, og er stort sett tolmodige i angrep, sa trenar Sveinung Halvorsen etter kampslutt.

Han heldt fram:

– Trekka våre sit betre no. Dei sit endå betre på trening, men det kjem seg. Framover må me jobba med at jentene skal tørra meir, og at dei skal stola på seg sjølve, la han til.

Neste kamp er ikkje før 6. januar (på bortebane).

– No kan laget ta juleferie med godt samvit, sa den nøgde trenaren med eit smil, før han kom med følgjande helsing:

– Eg vil få ynskja publikum ei god jul, og takka dei for den gode støtta.


Desse var med:

Kristin van der Meeren (7), Hannah Halvorsen, Signe P. Opdal (1), Linn Bergesen (5), Karoline Helland (1), Ragnhild Dalland, Thea Sløgedal (5), Lena Nordal (1), Sara Reimdal Vee (3), Martine Siglevik Lunde (1), Norunn Ebbesvik (1), Maria Lillesletten Hagen (2) og Petra Sløgedal.


FOKUSERT: Maria Lillesletten Hagen og dei andre Tysnes-spelarane jobba godt i forsvar.
FOKUSERT: Maria Lillesletten Hagen og dei andre Tysnes-spelarane jobba godt i forsvar.
STRAFFE: Sara Reimdal Vee tok ei av straffene for Tysnes.
STRAFFE: Sara Reimdal Vee tok ei av straffene for Tysnes.

Siste saker Gå til framsida

Har studert tilstanden til den store eika i Våge

«Festivalkontoret» i Våge skal utvidast. Derfor trong Fonna AS meir info om den gamle eika ved kontoret.– Eg kom med ei anbefaling om å finna ut litt om vitaliteten og helsetilstanden til treet, og gjerne òg finna ut risikoane med treet, seier arborist Kristoffer Nerhus, dagleg leiar i Hardanger Hagehjelp.Han kom i kontakt med Sigvard Madsen i Fonna AS, som følge av...

Tommy stod på og lukkast

Endeleg, etter fire års innsats av fleire gode krefter, og ikkje minst Tommy Gundersen (24) sjølv, har han fått lærlingeplass og er nærast sikra jobb i framtida.

Ny vegstenging til Myrdal

Fredag var vegen til Myrdal stengt ovanfor Hagen. Vegarbeidet vart ikkje ferdig, og Tysnes kommune må halda vegen stengt også komande måndag.Det opplyser Therese Jonsgar til «Tysnes».Vegen vert stengt mellom 08 og 15 for privatbilar. Utrykkingskøyrety får passera.