NAKKASLENG: Gruppa Nakkasleng underheldt på Kompasset laurdag. Med seg hadde dei tysnesing Jan Gunnar Rosseland (til venstre). I midten sit vokalist Knut Gunnarson Haugland, og til høgre sit bassist Jostein Fonnes.
NAKKASLENG: Gruppa Nakkasleng underheldt på Kompasset laurdag. Med seg hadde dei tysnesing Jan Gunnar Rosseland (til venstre). I midten sit vokalist Knut Gunnarson Haugland, og til høgre sit bassist Jostein Fonnes.

– Det er alltid kjekt å spela på Tysnes

Laurdag kveld var det duka for klassisk country på Kompasset, framført av gruppa Nakkasleng.
Publisert 16.12.2018 kl. 12.51.

– Me skal spela opp til dans og underhalda. I dag er det country av gammal type det går i, sa tysnesing Jan Gunnar Rosseland.

For anledninga var han gjestegitarist for duoen Nakkasleng, som består av Knut Gunnarson Haugland og Jostein Fonnes frå Mongstad i Nordhordland.

Dei tre musikarane har spelt saman i ymse band i rundt fem år, og speler for tida i eit band som heiter Ferdamann.

– Sånt som dette gjer me for løye, sa Rosseland om kveldens konsert.


Kjekt på Tysnes

– Det er alltid kjekt å spela på Tysnes, sa bassist Jostein Fonnes.

Han har blant anna spelt på Tysnes med Gunslingers tidlegare.

Songar Knut Gunnarson Haugland følgde opp:

– Tysnesingane er lærde når det kjem til musikk. Eg trur nok det er mykje på grunn av Tysnesfest, sa han.

Fonnes la til at også Mandelhuset har hatt eit bra musikalsk opplegg.

– Kva forventar de av kvelden?

– Eg forventar at folk skal kosa seg. Det er den forventninga ein skal ha som musikar, meinte vokalist Gunnarson.


Liker seg på Kompasset

I publikum fann ein blant andre Silvia Haugstad (22).

– Eg er ute med vennane mine, fortalde ho.

Vidare forventa ho at det skulle bli ein gøyal kveld.

– Høyrer du mykje på Country?

– Ja, eg høyrer ein del på det, men eg høyrer eigentleg på alt, svarte Haugstad.

– Har du vore på Kompasset tidlegare?

– Ja, eg liker meg her, sa ho.


Mykje aktivitet på kjøkenet

Dagleg leiar Marianne Elgsås var naturlegvis òg på plass.

– Kva skjer på Kompasset for tida?

– Det går mykje i mat. Lokalbefolkninga er veldig flinke til å bruka tilbodet vårt, sa Elgsås.

Spesielt rullekebaben har funne vegen inn i hjarto til tysnesingane.

– Etter me byrja med den har det eksplodert, fortalde Elgsås.

Ho kunne òg fortelja at det er spennande planar for utestaden framover.

– Me skal byggja om kjøkenet, og ha diverse musikarar her framover, sa ho.


KJEKT: Silvia Haugstad (22) koste seg på utestaden.
KJEKT: Silvia Haugstad (22) koste seg på utestaden.
SPENNANDE PLANAR: Marianne Elgsås (til høgre) kunne fortelja om spennade planar for Kompasset framover. Til venstre står tilsett Malin Teigland.
SPENNANDE PLANAR: Marianne Elgsås (til høgre) kunne fortelja om spennade planar for Kompasset framover. Til venstre står tilsett Malin Teigland.

Siste saker Gå til framsida

Tommy stod på og lukkast

Endeleg, etter fire års innsats av fleire gode krefter, og ikkje minst Tommy Gundersen (24) sjølv, har han fått lærlingeplass og er nærast sikra jobb i framtida.

Ny vegstenging til Myrdal

Fredag var vegen til Myrdal stengt ovanfor Hagen. Vegarbeidet vart ikkje ferdig, og Tysnes kommune må halda vegen stengt også komande måndag.Det opplyser Therese Jonsgar til «Tysnes».Vegen vert stengt mellom 08 og 15 for privatbilar. Utrykkingskøyrety får passera.