KJENT OG KJÆR: Helge Jordal, kjent frå både skjerm og scene, kjem til Tysnesfest neste år. (Foto: Tysnesfest)
KJENT OG KJÆR: Helge Jordal, kjent frå både skjerm og scene, kjem til Tysnesfest neste år. (Foto: Tysnesfest)

Helge Jordal tilbake til Kjevikjo

Den folkekjære bergensaren skal framføra Ibsen-diktet «Terje Vigen».
Publisert 16.12.2018 kl. 11.15. Oppdatert kl. 11.47.

– Kjevikjo er ein magisk plass. Heilt sidan 2009 har me hatt konsertar og framføringar i Vestlandets vakraste lagune, skriv Tysnesfest i ei pressemelding.

No er det eit par år sidan sist, men til neste år kan ein altså få sjansen til å sjå Helge Jordal i aksjon i den populære vika.


Var førstemann ute

Det er Henrik Ibsen sitt berømte dikt «Terje Vigen» som skal framførast av Jordal.

– Første gong me arrangerte noko i Kjevikjo, var det nettopp Helge Jordal og «Terje Vigen» som stod på plakaten. Det var så bra at me no tek sjansen på ein reprise. Dette bør du ikkje gå glipp av! skriv festivalen.


Folkekjær kjendis i kjent rolle

«Terje Vigen» blei skrive i 1861. Henrik Ibsen tok då utgangspunkt i forteljingar frå sørlandskysten under Napoleonskrigane og kornblokaden i byrjinga av 1800-talet. På denne tida blei det innført handelsblokade mellom Danmark og Norge, noko som førte til hungersnød i Norge.

Hovudpersonen som deler namn med diktet blei tatt av eit britisk marinefartøy, og sendt i fangenskap i Storbritannia.

– Helge Jordal (72) treng ingen nærare presentasjon. Han er kjent frå ei lang rekkje store rollar både på scene og lerret dei siste fire-fem tiåra, mellom anna for sine heilt legendariske tolkningar av «Jeppe på Bjerget» og hovudrolla i storfilmen «Orions belte», heiter det i pressemeldinga til Tysnesfest.


Tilbake til Kjevikjo

– Me har dei to siste åra hatt ein pause frå Kjevikjo og arrangert konsertar på Solstråleøya. Me har fått eit utal av attendemeldingar frå folk som ynskjer å få Kjevikjo tilbake som arena. Då blir det ekstra kjekt å få arrangera ei slik framføring i Kjevikjo igjen, skriv festivalen vidare.

For å bevara idyllen på den lokale badeplassen oppfordrar festivalen gjestane til å bruka boss-spanna flittig.


Siste saker Gå til framsida

– Eg trudde eg skulle spy

Sterke kjensler har vore i sving på Tysnes skule i dag. Der har nemleg elevane i 10. klasse hatt sin aller siste eksamen på grunnskulenivå.