MUSIKKLAGET: Onarheim Musikklag bidrog med flott korpsmusikk.
MUSIKKLAGET: Onarheim Musikklag bidrog med flott korpsmusikk.

Variert program i kulturkyrkja

Søndag inviterte Onarheim Musikklag og Tysnes kammerkor til julekonsert.
Publisert 17.12.2018 kl. 11.17.

Magne Storesætre var konferansier for kvelden. Han ønskte dei frammøtte velkomen til den tradisjonsrike julekonserten til Onarheim Musikklag.

Tradisjonen tru var òg Tysnes kammerkor med på seansen.

Konserten byrja med nokre innslag av Onarheim Musikklag, blant «Away in a Manger» og «An Austrian Carol».


Dyktige solistar

Deretter kom solistane til Tysnes kammerkor på banen.

Dei byrja med songen «Upp gledjest alle». På vokal var Henrik Barthel, på saksofon Trygve Arntsen og på gitar var Stig Johansen.

– Me er ikkje så proffe med mikrofon, spøkte Barthel før songen.

Dessverre gjekk det troll i ord, og mikrofonen fuska noko. Barthel og dei andre solistane kom seg likevel heilskinna ut av det.

Stig Johansen og Trygve Arntsen bidrog i tillegg med ein flott instrumentalversjon av «O, helga natt».


Flotte tonar

Etter solistane, var det klart for flotte tonar frå Tysnes kammerkor. Her vil journalisten spesielt trekkja fram framføringa av «Glade Jul» som særskilt fin.

Til sist var det andakt med sokneprest Marit Isaksen Espedalen, før Onarheim musikklag avslutta seansen med nokre fleire låtar.


Nøgde publikummarar

Etter konserten møtte «Tysnes» søstrene Astrid og Ingebjørg Madtsen.

– Eg likte musikken, sa Ingebjørg.

Dei to søstrene gledde seg begge til jul.

– Kva er det beste med jula, då?

– Det beste er stemninga, smilte Ingebjørg, og la til at stemninga er viktigare enn pakkane.

Også blant publikummarane var svigerinnene Gerd Høviskeland og Liv Skaar.

– Dette var heilt flott! meinte Liv om konserten.

– Det er òg god prosent av barn og barnebarn i musikklaget, kunne Gerd smilande avsløra.


SOLISTAR: Dei dyktige solistane Trygve Arntsen, Henrik Barthel og Stig Johansen sørgde for god stemning i kyrkja.
SOLISTAR: Dei dyktige solistane Trygve Arntsen, Henrik Barthel og Stig Johansen sørgde for god stemning i kyrkja.
VAKRE TONAR: Tradisjonen tru hadde Tysnes kammerkor fleire innslag under konserten.
VAKRE TONAR: Tradisjonen tru hadde Tysnes kammerkor fleire innslag under konserten.
SØSTRER: Astrid og Ingebjørg Madtsen var nøgde etter konserten.
SØSTRER: Astrid og Ingebjørg Madtsen var nøgde etter konserten.
SVIGERINNER: Gerd Høviskeland og Liv Skaar har vore på fleire av Onarheim Musikklag sine julekonsertar.
SVIGERINNER: Gerd Høviskeland og Liv Skaar har vore på fleire av Onarheim Musikklag sine julekonsertar.

Siste saker Gå til framsida

Leiar: Tysnes bør få meir enn 400.000 i grasrotmidlar

Norsk Tipping har fordelt grasrotmidlane for 2018. Den viser at lag og organisasjonar i Tysnes har fått heile 433.568 kroner inn på bankkontoane sine frå tippeselskapet på Hamar. Det er eit svært bra tilskot til økonomien til ulike lokale lag og organisasjonar i kommunen vår.Det er idrettslaga som ser ut til å...

Debatt: – Vi kjøpte ikke for å drive hotell

Vi har satt i gang en prosess hvor vi ønsker å regulere eiendommen til hyttetomter og et leilighetsbygg. Prosjektet er fortsatt i en veldig tidlig fase. I forbindelse med den påbegynte reguleringsplanen hadde bladet Tysnes en artikkel om prosjektet. Vi redegjør der i korte trekk for hva vi ønsker med...