VINNAR: Emma Sofie Nesse Torgersen (11) sin skulpturskisse vart plukka ut som vinnar av «Prinsesse Ingrid Alexandras skulpturkonkurranse». Ho skulle gjerne vist fram skissa, men orginalen vart sendt inn i høve konkurransen.
VINNAR: Emma Sofie Nesse Torgersen (11) sin skulpturskisse vart plukka ut som vinnar av «Prinsesse Ingrid Alexandras skulpturkonkurranse». Ho skulle gjerne vist fram skissa, men orginalen vart sendt inn i høve konkurransen.

Vann skulpturkonkurranse

Emma (11) sin skulptur-idé skal stillast ut i Slottsparken i Oslo.
Publisert 19.12.2018 kl. 06.00.

– Det kom som ei overrasking då eg høyrde at eg vann, seier Emma Sofie Nesse Torgersen.

Ho går i sjetteklasse på Tysnes skule, og nyleg kom beskjeden om at ho var plukka ut som vinnar i «Prinsesse Ingrid Alexandras skulpturkonkurranse».


Sende inn skisse

I kunst- og handverkstimane i starten av skuleåret jobba både femte- og sjetteklasse med konkurransen, der ein skulle senda inn skisseforslag til skulpturar.

– Me kunne teikna heilt fritt det me ville, fortel Emma Sofie.

Hennar eige skisse var av det kreative slaget.

– Eg teikna ein munn med bein, seier ho, og bekreftar at det ikkje var noko meir ansikt på figuren enn ein munn.

– Det var berre noko eg fann på.

Ho fortel at det er lenge sidan dei sende inn forslaga, og at ho hadde gløymt heile konkurransen.

– Det var veldig gøy få vita at eg vann, seier ho.


Vert skulptur

Premien for å vinna konkurransen, er at ein kunstnar skal laga ein skulptur basert på skissa. Den skal så stillast ut i Prinsesse Ingrid Alexandra sin skulpturpark i Slottsparken i Oslo.

I parken skal skulpturen stå saman med andre vinnarar av konkurransen. Avdukinga skjer i juni, og både elev, foreldre og lærar vert inviterte.

Sjølv om det var stas å vinna, trur nok ikkje Emma Sofie at ho har funne sin nye karriere.

– Eg trur nok ikkje eg vert kunstnar, fortel ho smilande.


Siste saker Gå til framsida

– Eg trudde eg skulle spy

Sterke kjensler har vore i sving på Tysnes skule i dag. Der har nemleg elevane i 10. klasse hatt sin aller siste eksamen på grunnskulenivå.