FORNØGD VINNAR: Lovise Dalland syntest det var kjekt at arbeidet hennar gav resultat. (Foto: Privat)
FORNØGD VINNAR: Lovise Dalland syntest det var kjekt at arbeidet hennar gav resultat. (Foto: Privat)

Lovise hadde det finaste peparkakehuset

I år blei det peparkakeby i Våge for første gong. No har det finaste huset blitt kåra.
Publisert 22.12.2018 kl. 13.03. Oppdatert kl. 13.08.

– Dette var veldig kjekt, seier Lovise Dalland, dama bak det finaste peparkakehuset i peparkakebyen.

Dalland har laga peparkakehus fleire gongar, men denne gongen gjorde ho noko annleis.

– Tidlegare har eg laga slike kjøpehus, og pynta med søstera mi. Denne gongen var eg på Pinterest, og fekk inspirasjon derfrå, fortel Dalland.

Pinterest er eit nettsamfunn der ein kan dela bilete og videoar. Med inspirasjon derfrå, enda Dalland i år opp med å laga peparkakehuset heilt frå botnen.

Arbeidet med huset gav meirsmak.

– Sidan det gjekk så bra, kjem eg nok til å laga fleire slike hus, seier Dalland.

– Har du nokre tips til folk som vil laga sine eigne peparkakehus?

– Eg vil tipsa folk om å bruka Pinterest som inspirasjon og prøva seg fram. Det blir meir personleg, og du gir meir av deg sjølv ved å laga huset sjølv, meiner den fornøgde peparkakebakaren.


Siste saker Gå til framsida

Har studert tilstanden til den store eika i Våge

«Festivalkontoret» i Våge skal utvidast. Derfor trong Fonna AS meir info om den gamle eika ved kontoret.– Eg kom med ei anbefaling om å finna ut litt om vitaliteten og helsetilstanden til treet, og gjerne òg finna ut risikoane med treet, seier arborist Kristoffer Nerhus, dagleg leiar i Hardanger Hagehjelp.Han kom i kontakt med Sigvard Madsen i Fonna AS, som følge av...

Tommy stod på og lukkast

Endeleg, etter fire års innsats av fleire gode krefter, og ikkje minst Tommy Gundersen (24) sjølv, har han fått lærlingeplass og er nærast sikra jobb i framtida.