VINNARAR: Anne Ma Bakke og familen vann tusen kroner i pantelotteriet. Frå venstre: Åsmund Bakke Reigstad, Per Reigstad, Vilde Bakke Reigstad, og Anne Ma Bakke. (Foto: Vetle Mikkelsen)
VINNARAR: Anne Ma Bakke og familen vann tusen kroner i pantelotteriet. Frå venstre: Åsmund Bakke Reigstad, Per Reigstad, Vilde Bakke Reigstad, og Anne Ma Bakke. (Foto: Vetle Mikkelsen)

Vann 1000 kroner på søndagsope

I dag var det søndagsope i fleire butikkar på øya. «Tysnes» gjekk innom to av dei.
Publisert 23.12.2018 kl. 15.15.

– Nei, no skjedde det nettopp noko veldig gøy. Me vann tusen kroner på Raudekrossen sitt pantelotteri, smiler Anne Ma Bakke fornøgd.

Ho og familien er ute på ein siste handletur på Coop Prix i Våge før julaftan. Dei bur i Bergen til vanleg, men skal feira jula her på Tysnes.

– Me er på Gjerstadneset medan me er her. Det er min barndomsheim, seier Bakke.

Når «Tysnes» pratar med ho, har ho og familien akkurat kjøpt sjokolade, før dei skal opp på Teiglandsnuten ein tur.

På sjølvaste julaftan er det duka for storstilt feiring:

– I morgon får me 17 stykk over til graut, seier Bakke, før ho og familien turar vidare.


Oddingar på tur

– Foreldra våre bur her, så det er eit naturleg samlingspunkt, seier Birthe Olsen, og legg til at foreldra som regel pyntar huset skikkeleg til jul.

Saman med bror Erlend Olsen, sambuaren hans Sigrun Hildal, og ungane til dei to sistnemnde, har Birthe tatt turen til Spar Tysnes veslejulaftan.

– Me må alltid innom her, seier ho, og viser til butikken.

Dei reknar seg alle saman frramleis som oddingar, sjølv om Erlend og Sigrun no bur i Stavanger, og Birthe bur i Bergen.

– No held me på med siste innpsurt av julehandelen. Det går i mat og påfyll av snacks, men det meste er allereie kjøpt inn, seier Birthe.


Mykje folk

Parkeringsplassane utanfor Coop og Spar var rimeleg fulle, då «Tysnes» stakk innom.

– Det er mange folk innom, som treng hjelp med å finna varer, seier Vilhelms Staskevics, vikar hos Spar Tysnes.

– Er det mykje stress?

– Det kan vera litt stress, men det er kjekt å ha så mange folk i butikken, seier Staskevics fornøgd.


ODDINGAR: Birthe Olsen, Sigrun Hildal og Erlend Olsen har tradisjon for å reisa til Tysnes i jula. Barna er Mathilie Hildal Olsen og Theodor Hildal Olsen. (Foto: Vetle Mikkelsen)
ODDINGAR: Birthe Olsen, Sigrun Hildal og Erlend Olsen har tradisjon for å reisa til Tysnes i jula. Barna er Mathilie Hildal Olsen og Theodor Hildal Olsen. (Foto: Vetle Mikkelsen)
MYKJE FOLK: Vilhelms Staskevics syntest det var kjekt å ha så mange folk innom butikken. (Foto: Vetle Mikkelsen)
MYKJE FOLK: Vilhelms Staskevics syntest det var kjekt å ha så mange folk innom butikken. (Foto: Vetle Mikkelsen)

Siste saker Gå til framsida

– Eg trudde eg skulle spy

Sterke kjensler har vore i sving på Tysnes skule i dag. Der har nemleg elevane i 10. klasse hatt sin aller siste eksamen på grunnskulenivå.