JUBEL: Pernilla Eugenie Epland kunne i august jubla for sitt fyrste NM-gull. (Foto: Arne Dag Myking/Kondis)
JUBEL: Pernilla Eugenie Epland kunne i august jubla for sitt fyrste NM-gull. (Foto: Arne Dag Myking/Kondis)

I sportsåret som gjekk

Opprykk, norgesmeister, verdsrekord og gode skiforhold er blant stikkorda som pregar sportsåret 2018.
Publisert 04.01.2019 kl. 15.00.

2018 var eit stort sportsår for Tysnes, og store og små har fått boltra seg med fotball, handball, motbakkeløp, skigåing og mykje meir. Det er ikkje vanskeleg å finna høgdepunkt i eit innhaldsrikt sports- og idrettsår.


God vintersesong

I midten av januar vart det meldt om 20 centimeter nysnø og nypreppa løyper i Solheimsdalen. Snøfallet la grunnlag for farting til tysnesfjella, og ei flott helg med skigåing.

– Me likar godt å reisa til Tysnes for å gå langrenn. Det er mykje mindre folk på Tysnes enn på Kvamskogen, og minst like fine løyper, om ikkje finare, sa Matthias Brandt Hansen, som den helga tok med familien frå Bergen til skiløypene på Tysnes.

Solheimsdalen har utvikla seg til å verta eit flott skianlegg, og sommarhalvåret 2018 har vorte brukt på å oppgradera fasilitetane på anlegget. Berre småting gjenstår før den nye skihytta er klar til bruk.

Neste steg for skianlegget er å utvida parkeringsplassen, for å få plass til alle skitur-interesserte på dei flottaste vinterdagane.


Skiskyttar-talent

I fremste rekkje blant vinteridrettstalent frå Tysnes, er skiskyttar-jenta Hedda Singelstad Kåsa. I dei fyrste månadane av året tikka dei gode resultata inn på løpande band. Eit tidleg høgdepunkt var tredjeplassen i K16-klassen i Kvalfossprinten i Holmenkollen.

– Ja, det var utruleg gøy å gjera det så bra. Dette er nærmast som eit norgesmeisterskap. Her møter ein deltakarar frå heile landet, sa ei svært nøgd Hedda på telefon til «Tysnes» på veg heim frå Oslo etter konkurransen.Vinteren vart toppa med samanlagtsiger i Gla’ Laks-cupen, dobbelt sølv under Vestlandsmeisterskapen og uttak til Young Star-rennet i Holmenkollen i mars, eit renn for dei beste 15- og 16-åringane i landet, som vert arrangert i samband med verdscuphelga i Oslo.


Handballen engasjerar

Eit av dei største lagidrettsmiljøa i kommunen finn ein i Tysnes IL sitt handballmiljø. Handball har fått eit sterkt fotfeste i Tysnes, og både vaksne og barn er engasjerte i idretten.

Damelaget til Tysnes IL spelar til vanleg i 5. divisjon, og enda i sesongen 2017/18 på tredjeplass i si avdeling, berre slått av Askøy og Løv-Ham. Før den nye sesongen mista dei fleire sentrale spelarar, men dei har ein ung og lovande spelarstall som diverre ikkje har fått med seg så mange poeng som dei hadde fortent denne hausten.

Derimot har poengfangsten vore veldig god for J12- og J15-laget denne sesongen. Fyrstnemnde lag ligg ved nyttår på andreplass i serien med ni sigrar på ti kampar. Berre Kjøkkelvik 3 er betre.

J15-laget har plassert seg heilt øvst i si avdeling med sju sigrar på åtte kampar, og imponerande 159 scora mål på desse kampane.

LES OGSÅ: – Årsbeste i fyrste omgang


Fotball-jubel

Njardar/Tysnes sitt a-lag var nærast uslåeleg denne sesongen. Berre Løv-Ham var betre i avdelinga, og etter ein komplisert opprykksituasjon kunne både Løv-Ham og Njardar/Tysnes jubla for opprykk og spel i 6. divisjon i 2019.

Tysnesingane avslutta sesongen med 37 poeng på 16 kampar, og 72 scora mål. Eit imponerande høgt målsnitt som berre eit fåtall andre klubbar i Hordaland matchar denne sesongen.

I tillegg til Njardar-seniorane, fekk G13-laget mykje merksemd då dei i sommar imponerte i Norway Cup. Gruppespelet gjekk over all forventning, og dei talentfulle gutane klarte å kvalifisera seg for a-sluttspelet.

– Det er fleire år sidan me byrja å drøyma om å reisa til verdas største fotballturnering. No er me her, og nyt kvart sekund, sa gutane til «Tysnes» på Ekebergsletta i sommar.

Diverre fekk gutane berre med seg éin kamp i a-sluttspelet, der dei tapte for Djerv 1919.

LES OGSÅ: Her legg dei Norway Cup-taktikken


Gulljenter

To av Tysnes sine største idrettsstjerner har hamna i fokus i haust. For løpestjerna Pernilla Eugenie Epland vart ein god banesesong toppa med resultata i NM i Byrkjelo i august.

Ho opna med ein flott bronsemedalje på det innleiande 5.000-meterløpet. Trass plasseringa var ho ikkje heilt nøgd med resultatet.

– Det var kanskje litt bra at det enda slik på 5.000-meteren, for då vart eg endå meir motivert før 10.000-meter, sa Pernilla då «Tysnes» møtte ho etter NM.

Ho slo til og vann den lengste distansen, og kan med rette kalla seg best i landet på 10.000-meter.

To månadar seinare var det meir edelt metall som fann vegen til Tysnes. Anna Dorthea Espevik var klar favoritt i juniorklassen i benkpress-EM i Luxembourg i oktober, og leverte varene.

Allereie i den andre runden var gullet sikra, og ho slo til med eit løft på 172,5 kilo i tredje runde. Det var 2,5 kilo betre enn hennar eigen verdsrekord.

Ho er berre 20 år, og har framleis fleire år i juniorklassen framfor seg, men har ambisjonane klare for den vidare styrkeløftar-karrieren.

– Det er verdsrekorden i open klasse eg verkeleg trenar mot, fortalde ho i haust.


Noko for alle

Det har i tillegg vore mykje anna som har skjedd av sportslege aktivitetar i 2018. I Lunde har mosjonsløpet Fiskevatnet rundt, som handlar om å fullføra løpet på ei førehandsett idealtid, vakse seg stort. Det har også vore knytt stor interesse til Ramnanuten opp og Blåbærhaugen opp. Begge løpa har på få år etablert seg som populære arrangement.

I juli fekk ungdomar prøva seg under Sjøsportveko, og på Dalen går golfturneringane sin vante gang. Den rutinerte golfaren Oddvin Flornes toppa sin sesong med å verta tatt ut på det norske laget til EM i Pitch & Putt i Spania.

I Tysneshallen rullar bowlingkulane, og det er stor aktivitet i bedriftsligaen. Og for dei som ikkje speler organisert fotball til vanleg, er sommarcupen på Reiso eit årleg høgdepunkt. I år var vêrgudane i godt humør, og det vart tre dagar med strålande sol på Reiso.

Eitt anna stort sportsleg høgdepunkt kom då oselvaren «Berserk», styrt av skipperr Jan Vee, gjekk heilt til topps i oselvar-NM.– Me har hatt mykje stang ut tidlegare, no hadde me stang inn, fortalde skipperen etter løpet.

Det har vore eit godt og innhaldsrikt sports-år i Tysnes, og 2019 står for tur med nye sterke prestasjonar, engasjement og innsats blant alle aldrar.



RYKTE OPP: A-laget rykte opp for fyrste gong på 21 år, og skal spela i 6. divisjon i 2019.
RYKTE OPP: A-laget rykte opp for fyrste gong på 21 år, og skal spela i 6. divisjon i 2019.
VINTER: Linnea Vik-Winther var fyrste startande på skirennet i Solheimsdalen i februar. (Foto: Ole Skaten)
VINTER: Linnea Vik-Winther var fyrste startande på skirennet i Solheimsdalen i februar. (Foto: Ole Skaten)
VERDAS STERKASTE: Anna Dorthea Espevik vann juniorklassen i EM i benkpress, og forbetra samtidig sin eigen verdsrekord.
VERDAS STERKASTE: Anna Dorthea Espevik vann juniorklassen i EM i benkpress, og forbetra samtidig sin eigen verdsrekord.
POENGFANGST: Brita Austvik, og resten av J15-laget, har plukka mange poeng denne hausten, og leiar si avdeling. (Foto: Camilla Korsnes)
POENGFANGST: Brita Austvik, og resten av J15-laget, har plukka mange poeng denne hausten, og leiar si avdeling. (Foto: Camilla Korsnes)
TYSNESFEST-KICKOFF: Ramnanuten opp vart arrangert for fjerde gong, og opna Tysnesfest i juli. (Foto: Vetle Mikkelsen)
TYSNESFEST-KICKOFF: Ramnanuten opp vart arrangert for fjerde gong, og opna Tysnesfest i juli. (Foto: Vetle Mikkelsen)
TALENT: Hedda Singelstad Kåsa kunne jubla etter tredjeplass i Kvalfossprinten i Holmenkollen. (Foto: Lars H. Kåsa)
TALENT: Hedda Singelstad Kåsa kunne jubla etter tredjeplass i Kvalfossprinten i Holmenkollen. (Foto: Lars H. Kåsa)
GOLFA I MØRKET: Golfsesongen på Dalen vart tradisjonen tru avslutta med nattgolf.
GOLFA I MØRKET: Golfsesongen på Dalen vart tradisjonen tru avslutta med nattgolf.
FEIRA: Det var god stemning blant dei gulkledde tysnesingane på Ekebergsletta då G13-laget gjekk vidare til a-sluttspelet i Norway Cup. (Foto: Vidar Alfarnes)
FEIRA: Det var god stemning blant dei gulkledde tysnesingane på Ekebergsletta då G13-laget gjekk vidare til a-sluttspelet i Norway Cup. (Foto: Vidar Alfarnes)

Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...