PÅ TYSNES: – Tysnes er framleis «heime» for meg, fortel Øyvind Skartveit.
PÅ TYSNES: – Tysnes er framleis «heime» for meg, fortel Øyvind Skartveit.

– Tysnes er eit pusterom

Etter nokre intense KrF-månadar, var det godt for Øyvind Skartveit å koma heim til ein roleg jul på Tysnes.
Publisert 05.01.2019 kl. 15.00.

– Eg har alltid vore ein engasjert person, fortel Øyvind Skartveit, som har vore heime på juleferie hos familien på Tysnes.

Til vanleg er han student i Bergen, med mange ballar i lufta. Han er mellom anna engasjert i Raftostiftelsen, Gospel Bergen, og han har vore involvert i den prisvinnande historiepodkasten «Fortiden Demrer» med studentradioen. Men det som kanskje har hatt mest fokus den siste tida, er det politiske engasjementet.


Vegval

– Akkurat no er eg fungerande leiar i Hordaland KrFU fram til me slår oss i lag med Sogn og Fjordane, og vert Vestland KrFU i slutten av januar, fortel Øyvind.

Dei fleste har fått med seg dei politiske diskusjonane og vegvalet innad i Kristeleg Folkeparti i haust. Eit ekstraordinært landsmøte i starten av november avgjorde om partiet skulle gå i regjeringssamtalar med høgresida eller venstresida.

– Eg var plukka ut som ein representant frå KrFU til landsmøtet, seier Øyvind.

Han var dermed blant dei som var med på å avgjera det omtalte vegvalet til KrF.

– Me var nokså einige i Hordaland KrFU om kva retning me ville gå i, fortel han.

Han stemte for å innleia samtalar med den sitjande regjeringa, men det er viktig for han at partiet framleis står samla uansett kven dei går i regjeringssamtalar med.


Heime på Tysnes

Øyvind har eit godt forhold til heimstaden, og trivst godt med å koma heim til jul.

– For meg er Tysnes eit pusterom, og slike pusterom er viktige i samfunnet. Samtidig har Tysnes ei sterk kulturhistorie, og det har eg sans for.

Sjølv om han bur og studerer i Bergen, er Tysnes framleis «heime» for Øyvind, og han er endå folkeregistrert i kommunen.– Eg kan absolutt sjå for meg å busetja meg på Tysnes i framtida.

Han kunne godt tenkt seg å verta meir engasjert i heimkommunen. Han pratar også om å kunna stilla seg til rådigheit for Tysnes KrF.

– Partiet kjempar for levedyktige bygder, noko eg set pris på, fortel han.


Lesehest

Øyvind har vorte 26 år gammal, og har gjort mykje forskjellig i sitt vaksne liv. Han har gått på folkehøgskule, vore i Forsvaret og studert. Han har allereie ein bachelor-grad i samanliknande politikk, og er snart ferdig med ein tilsvarande grad i historie. Han har endå ikkje bestemt seg for kva av faga han skal søka seg inn på masterundervisning i frå hausten av.

– Eg er ein lesehest. Knut Rage (tidlegare bibliotekar, journ. anm.) kan sikkert skriva under på kor ofte eg har gått inn og ut av biblioteket med trillebår full av bøker, fortel han lattermildt.

Samtidig er han bevisst på at kunnskap er viktig.

– Eg vil ha akademisk tyngde. Samtidig er det greitt å ha med praktisk erfaring, noko eg får ved å engasjera meg i organisasjonar. Som politisk engasjert er det også viktig at eg har med meg kunnskap utanfrå.


Siste saker Gå til framsida

Leiar: Tysnes bør få meir enn 400.000 i grasrotmidlar

Norsk Tipping har fordelt grasrotmidlane for 2018. Den viser at lag og organisasjonar i Tysnes har fått heile 433.568 kroner inn på bankkontoane sine frå tippeselskapet på Hamar. Det er eit svært bra tilskot til økonomien til ulike lokale lag og organisasjonar i kommunen vår.Det er idrettslaga som ser ut til å...

Debatt: – Vi kjøpte ikke for å drive hotell

Vi har satt i gang en prosess hvor vi ønsker å regulere eiendommen til hyttetomter og et leilighetsbygg. Prosjektet er fortsatt i en veldig tidlig fase. I forbindelse med den påbegynte reguleringsplanen hadde bladet Tysnes en artikkel om prosjektet. Vi redegjør der i korte trekk for hva vi ønsker med...