SIGER: Det var ein nøgd handball-gjeng etter kampen mot Kleppestø. Bak frå venstre: Kristin van der Meeren, Norunn Ebbesvik, Sara Reimdal Vee, Signe Opdal, Tea Kleppe og Maria Lillesletten Hagen. Framme frå venstre: Lena Nordal, Ragnhild Dalland og Hannah Rød Halvorsen. (Foto: Terje Sløgedal)
SIGER: Det var ein nøgd handball-gjeng etter kampen mot Kleppestø. Bak frå venstre: Kristin van der Meeren, Norunn Ebbesvik, Sara Reimdal Vee, Signe Opdal, Tea Kleppe og Maria Lillesletten Hagen. Framme frå venstre: Lena Nordal, Ragnhild Dalland og Hannah Rød Halvorsen. (Foto: Terje Sløgedal)

Tredje siger på rad

Damelaget slo Kleppestø på bortebane søndag.
Publisert 07.01.2019 kl. 17.51. Oppdatert 08.01.2019 kl. 10.14.

Etter ein tøff start på sesongen med seks tap på dei fyrste sju kampane, har Tysnes IL sitt damelag starta den store poengfangsten den siste månaden. Søndag tok dei turen til Askøy for å møta Kleppestø.

Askøyværingane har berre ein siger på ni kampar, og ligg nederst i avdelinga.


Lett match

Tysnes-trenar Sveinung Halvorsen fortel at laget ikkje møtte stor motstand søndag.

– Det vart ein enkel kamp. Me merker at det er botnlaget me møter, seier han.

Bortelaget hadde god kontroll, og gjekk til pause med leiinga 17–9. Kampen fortsette i same trend i den andre omgangen, og sluttresultatet vart 29–17 til Tysnes.

Kristin van der Meeren var den som fekk best utteljing for tysnesingane, og enda kampen med 12 mål i protokollen.

LES OGSÅ: Solid innsats mot Fana


Viktig med fokus

Sjølv om det vart ein enkel siger, skryter trenaren av laget sitt.

– Det er lett å mista fokuset i ein slik kamp, så jentene skal ha skryt for at dei held fokuset heile kampen, fortel Halvorsen.

Keeper Ragnhild Dalland får ekstra mykje skryt av trenaren.

– Me har ein solid målvakt i kampen. Ragnhild står ein kjempekamp. Dei andre jentene legg også ned god innsats, seier han.

LES OGSÅ: I Sportsåret som gjekk


God utvikling

Med tre sigrar på dei siste tre kampane ligg tysnesdamene no med åtte poeng, og har etablert seg kring midten av tabellen. Halvorsen er nøgd med utviklinga i sesongen, sjølv om motstanden har vore enklare den siste tiden enn i starten av sesongen.

– Me møtte mange av dei beste laga, som Åsane, Bjarg og Voss, til å byrja med, og har litt lettare motstandarar no, fortel han.

Samtidig ser han ein klar utvikling i spelet til laget.

– Samspelet er betre no, og jentene tør å gjera meir av det dei får til på trening. Mykje sit mellom øyra.

Laget er omtrent halvvegs i sesongen, og står framfor tre strake heimekampar i Tysneshallen. Dei to fyrste er mot Sandviken og Kjøkkelvik, to lag som ligg bak Tysnes på tabellen.

– Me må satsa på å ta poeng i dei to neste kampane, seier Halvorsen.

Utviklinga i sesongen gjer at han no kan oppjustera målsetjinga for sesongen.

– Til å starta med var målsetjinga å unngå nedrykk. No satsar me på å leggja oss på midten og oppover på tabellen, avsluttar han.

LES OGSÅ: Grasrotandelen: Over 100.000 til Njardar/Tysnes


Siste saker Gå til framsida

Leiar: Tysnes Kraftlag er eit historisk namn som bør vidareførast

Tysnes Kraftlag er eit gamalt og godt innarbeidd namn så vel i lokalsamfunnet som utanfor kommunen sine grenser. I over 70 år har Tysnes Kraftlag eksistert som straumleverandør og netteigar på Tysnes. No har selskapet gått inn i ein ny epoke. Spørsmålet som no har meldt seg, er om selskapet bør skifta namn. Det bør det ikkje.Det var ei skikkeleg storhending som skjedde på Tysnes den...

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...