FYRTÅRN: Me må slå ring rundt kulturlivet i Tysnes, i dei mange ulike formene det har, skriv «Tysnes» på leiarplass. (Arkivfoto)
FYRTÅRN: Me må slå ring rundt kulturlivet i Tysnes, i dei mange ulike formene det har, skriv «Tysnes» på leiarplass. (Arkivfoto)

Leiar: Kultur som smittar

Publisert 07.01.2019 kl. 06.00. Oppdatert kl. 07.26.

Tysnes er ein kommune med eit yrande kulturliv.

I kommunen finst to musikklag, eit skulekorps, ein aktiv kulturskule og fleire biletkunstnarar. Denne vesle plassen har fostra forfattarar som Johannes Heggland, Ingelin Røssland og Mads Rage. Ikkje minst har eldsjeler i kulturkommunen Tysnes skipa fyrtårnet Tysnesfest, ein av dei mest suksessfulle musikkfestivalane i landet.

I denne avisa kan ein blant anna lesa om gutane i Symra. Rockegruppa sleppte i fjor to singlar, og skal framover sleppa tre til. Dei jobbar òg for å få inn nok pengar til å laga eit heilt album.

Blant symragutane finn ein tysnesingane Øyvind Kleppe og Henrik Sebastian Epland. Kleppe har spelt i ymse band heilt sidan barneskulen, og Epland er så å seia oppvaksen i Tysnes musikklag. Både Kleppe og Epland er barn av kulturkommunen Tysnes, og liknande bakgrunnar finn ein hos fleire av dei som starta opp Tysnesfest.

I ein liten kommune som Tysnes er kulturen mange små bekkar som saman blir til store elver, som samla blir eit levande kulturliv.

Når det blir lagt til rette for kreativ utvikling kan store ting skje. Sjå berre på Tysnesfest. Sjølv denne enorme festivalen byrja i det små, med ein kreativ og engasjert kompisgjeng.

Kulturen er nemleg smittsam. Den forplantar seg, og skapar glede og engasjement. Det som startar med eit barn i kulturskulen, eller ein ungdom i eit musikklag, kan utvikla seg til noko mykje større.

Me må slå ring rundt kulturlivet i Tysnes, i dei mange ulike formene det har.

Levande kultur skaper levande lokalsamfunn.

redaksjonen@tysnesbladet.no


Siste saker Gå til framsida

Leiar: Tysnes bør få meir enn 400.000 i grasrotmidlar

Norsk Tipping har fordelt grasrotmidlane for 2018. Den viser at lag og organisasjonar i Tysnes har fått heile 433.568 kroner inn på bankkontoane sine frå tippeselskapet på Hamar. Det er eit svært bra tilskot til økonomien til ulike lokale lag og organisasjonar i kommunen vår.Det er idrettslaga som ser ut til å...

Debatt: – Vi kjøpte ikke for å drive hotell

Vi har satt i gang en prosess hvor vi ønsker å regulere eiendommen til hyttetomter og et leilighetsbygg. Prosjektet er fortsatt i en veldig tidlig fase. I forbindelse med den påbegynte reguleringsplanen hadde bladet Tysnes en artikkel om prosjektet. Vi redegjør der i korte trekk for hva vi ønsker med...