"SPEKK-TAKULÆRT": Denne flokken blei observert mellom Sydnes og Gåsholmen i dag tysdag. (Foto: John Tye)
"SPEKK-TAKULÆRT": Denne flokken blei observert mellom Sydnes og Gåsholmen i dag tysdag. (Foto: John Tye)

Spekkhoggarane var tidleg ute i år

Det var eit artig syn som møtte John Tye på jobb i dag tysdag.
Publisert 08.01.2019 kl. 14.17. Oppdatert kl. 14.18.

– Eg gjettar at dette gjeld spekkhoggarane? seier John Tye lurt i telefonrøyret.

Ein spekkhoggarentusiast i redaksjonen fann nemleg ut om spekkhoggarane via Tye sin Facebook-profil, der han hadde posta eit knippe bilete av dyra, så telefonen kom nok ikkje uventa på han.

– Dei var rett attmed Sydnes og Gåsholmen. Eivind Skorpen oppdaga dei, fortel Tye, som til dagleg er tilsett i Alsaker-konsernet.

Det var åtte spekkhoggarar i sjøen.

– Me køyrde nokre hundre meter, og så kom spekkhoggarane opp rett att med oss.

Seinare blei dei observert ved Ånuglo, i retning Rosendal.

– Det var veldig tidleg å sjå spekkhoggarar no. Vanlegvis kjem dei ikkje før i mars, held Tye fram.

– Det var to ungar med. Sist gong var det berre ein. Det er mogleg at det er den same flokken, men at den har vakse litt, avsluttar han.


Siste saker Gå til framsida

Har studert tilstanden til den store eika i Våge

«Festivalkontoret» i Våge skal utvidast. Derfor trong Fonna AS meir info om den gamle eika ved kontoret.– Eg kom med ei anbefaling om å finna ut litt om vitaliteten og helsetilstanden til treet, og gjerne òg finna ut risikoane med treet, seier arborist Kristoffer Nerhus, dagleg leiar i Hardanger Hagehjelp.Han kom i kontakt med Sigvard Madsen i Fonna AS, som følge av...

Tommy stod på og lukkast

Endeleg, etter fire års innsats av fleire gode krefter, og ikkje minst Tommy Gundersen (24) sjølv, har han fått lærlingeplass og er nærast sikra jobb i framtida.