DREG NORDOVER: Tidleg i neste veke dreg «Kommandøren» nord til Sognefjorden der den skal testast på sambandet Mannheller-Fodnes. Inntil då ligg ferja ved verftet på Oma. (Foto: Fjellstrand AS)
DREG NORDOVER: Tidleg i neste veke dreg «Kommandøren» nord til Sognefjorden der den skal testast på sambandet Mannheller-Fodnes. Inntil då ligg ferja ved verftet på Oma. (Foto: Fjellstrand AS)

Legg turen til Sognefjorden

«Kommandøren» er klar til å verta sett i trafikk.
Publisert 09.01.2019 kl. 17.02.

Det opplyser Tor Kristoffersen, regionsjef i Fjord1.

Den nye el-ferja vart overlevert Fjord1 frå Fjellstrand i desember, men ferja ligg framleis til kai hos verftet på Oma. Frå 2020 tek Fjord1 over drifta av sambandet Våge-Halhjem, og «Kommandøren» skal overta ruta.


Testast i Sogn

– Den siglar nok oppover tidleg i neste veke, fortel Kristoffersen.

Han opplyser at ferja skal til Sognefjorden og testast på sambandet Mannheller-Fodnes, som ligg på strekkja Lærdal-Kaupanger i Sogn og Fjordane.

«Kommandøren» reiser nordover sjølv om det ikkje er sikkert om den kan brukast på ferjesambandet.

– Me må testa om den passar ved kaiane. Det er ei brei ferje, seier Kristoffersen.

Han er godt nøgd med at Fjord1 har overteke ferja, og gler seg til den kjem i bruk.

– Eg synest det er ein kjempeflott båt, og eg trur tysnesingane kan gle seg til den kjem i drift mellom Våge og Halhjem, seier han.

LES OGSÅ: Autopass-kort på Tysnes-ferjene


Stor salong

«Kommandøren» er bygd opp på ein annan måte enn «Selbjørnsfjord». Nede er eit stort og oversiktleg bildekk, medan salongen ligg over bildekket.

– Det er ein stor og oversiktleg salong, fortel salssjef Edmund Tolo hos Fjellstrand AS.

I salongen er plass til alle 292 passasjerar. På dekket er det plass til 120 personbilar, eller 12 trailerar.

Den nye el-ferja er ei vidareutvikling av «Ampere» som trafikkerer Lavik-Oppedal. Samanlikna med «Ampere» er «Kommandøren» både større og raskare.

– Den har høgare fart, større lastekapasitet og tre gonger batterikapasiteten, opplyser Tolo.

– Kommandøren er bygd i aluminium, og er dermed under halve vekta av tilsvarande fartøy i stål. Dette er i tillegg til å vera energivennleg, også eit materiale som er lett å resirkulera og dermed miljøvennleg på fleire måtar, fortset Tolo.

LES OGSÅ: Kan minska køproblema


DEKK: Det store og oversiktlege bildekket har plass til 120 personbilar. (Foto: Fjellstrand AS)
DEKK: Det store og oversiktlege bildekket har plass til 120 personbilar. (Foto: Fjellstrand AS)
SALONG: salongen er det plass til 292 passasjerar. (Foto: Fjellstrand AS)
SALONG: salongen er det plass til 292 passasjerar. (Foto: Fjellstrand AS)

Siste saker Gå til framsida

Tommy stod på og lukkast

Endeleg, etter fire års innsats av fleire gode krefter, og ikkje minst Tommy Gundersen (24) sjølv, har han fått lærlingeplass og er nærast sikra jobb i framtida.

Ny vegstenging til Myrdal

Fredag var vegen til Myrdal stengt ovanfor Hagen. Vegarbeidet vart ikkje ferdig, og Tysnes kommune må halda vegen stengt også komande måndag.Det opplyser Therese Jonsgar til «Tysnes».Vegen vert stengt mellom 08 og 15 for privatbilar. Utrykkingskøyrety får passera.