MÅ VERA OPE: Tidlegare ordførar Kjetil Hestad (innfelt) er oppteken av at Godøysund ikkje blir privatisert. (Arkivfoto: Ingunn Gjærde/Camilla Korsnes)
MÅ VERA OPE: Tidlegare ordførar Kjetil Hestad (innfelt) er oppteken av at Godøysund ikkje blir privatisert. (Arkivfoto: Ingunn Gjærde/Camilla Korsnes)

Skeptisk til Godøysund som privatisert hytteområde

Tidlegare ordførar Kjetil Hestad er oppteken av at Godøysund ikkje må verta eit lukka hytteområde.
Publisert 10.01.2019 kl. 12.00.

– Situasjonen i dag er håplaus etter forfallet som har vore dei seinare åra. Eg skjønar at dette er blitt ei krevjande sak, seier Hestad.

Les også: Oppgitt over forfallet på Godøysund

Han konstaterer at det einaste alternativet kanskje er å byggja hytter og leilegheitsbygg, dersom ein skal få til ny aktivitet i området. I så fall støttar han ei slik løysing. Han er oppteken av at det må skje noko.

I hans tid som ordførar i Tysnes var Godøysund eit tema som både formannskapet og kommunestyret var oppteken av.

– Det er mange tysnesingar og tilreisande som har eit sterkt forhold til Godøysund. Det ein må unngå, er at det skjer ei privatisering av området dersom ei utbygging endrar status til hytteområde, seier Hestad.

Han fortel at området også i seinare tid har vore brukt som båthamn for båtturistar. Han er oppteken av at det må førast vidare.

– Me må ta vare på Godøysund som ein destinasjon for båtturisme. Godøysund må også vera eit område som folk flest kan bruka, seier han.

Hestad hadde håpa at ein kunne kombinera ei utbygging der ein også kan få eit tilbod om servering i området.

– Om det er råd å få til, veit eg ikkje. Men det viktigaste er i alle fall at det skjer noko på det som tidlegare var eit glansområde og som no er sterkt prega av forfall, seier han.

Les også: Vil riva det gamle Godøysund Fjordhotel


Siste saker Gå til framsida

Leiar: Tysnes bør få meir enn 400.000 i grasrotmidlar

Norsk Tipping har fordelt grasrotmidlane for 2018. Den viser at lag og organisasjonar i Tysnes har fått heile 433.568 kroner inn på bankkontoane sine frå tippeselskapet på Hamar. Det er eit svært bra tilskot til økonomien til ulike lokale lag og organisasjonar i kommunen vår.Det er idrettslaga som ser ut til å...

Debatt: – Vi kjøpte ikke for å drive hotell

Vi har satt i gang en prosess hvor vi ønsker å regulere eiendommen til hyttetomter og et leilighetsbygg. Prosjektet er fortsatt i en veldig tidlig fase. I forbindelse med den påbegynte reguleringsplanen hadde bladet Tysnes en artikkel om prosjektet. Vi redegjør der i korte trekk for hva vi ønsker med...