PÅ RADIO: I dag vil lyttarane på NRK P1 få sjansen til å hjelpa Synnøve Vines, i konkurransen til radioprogrammet Kolafei. (Foto: Privat)
PÅ RADIO: I dag vil lyttarane på NRK P1 få sjansen til å hjelpa Synnøve Vines, i konkurransen til radioprogrammet Kolafei. (Foto: Privat)

I dag kan du høyra Synnøve Vines på NRK P1

NRK-programmet Kolafei er innom Tysnes i dag. Med seg har dei Tysnes skule-inspektør Synnøve Vines.
Publisert 11.01.2019 kl. 11.05.

– Eg har ingenting å avsløra, for eg veit veldig lite, ler Synnøve Vines gjennom telefonrøyret.

Via Facebook, fekk «Tysnes» snus i at ho skal vera med i radioprogrammet Kolafei, som går på lufta 17.00 i dag.

Ho blei oppringt av produksjonen til programmet på onsdag, etter at dei hadde blitt tipsa om at dei burde koma til Tysnes og ha konkurranse.

– Dei blei tipsa om meg, og at eg kunne stilla opp. Eg var veldig fram og tilbake, men det verkar veldig artig, fortel Vines.

NRK-teamet kjem ikkje til å fysisk reisa til Tysnes, og kommunikasjonen vil gå over telefon.

– Eg veit at eg får nokre oppgåver. Eg skal spela litt på lag med Marianne Tvedt, seier Vines.

Undervegs i programmet vil lyttarane få høve til å hjelpa med oppgåvene.

– Det er jo direktesendt frå kommunen, og er med på å promotera kommunen, seier Vines.

Ho avsluttar med ei utfordring til tysnesingane:

– Ein skal liksom spela litt på lokalbefolkninga, så får me sjå kor sporty folk er.


Siste saker Gå til framsida

Har studert tilstanden til den store eika i Våge

«Festivalkontoret» i Våge skal utvidast. Derfor trong Fonna AS meir info om den gamle eika ved kontoret.– Eg kom med ei anbefaling om å finna ut litt om vitaliteten og helsetilstanden til treet, og gjerne òg finna ut risikoane med treet, seier arborist Kristoffer Nerhus, dagleg leiar i Hardanger Hagehjelp.Han kom i kontakt med Sigvard Madsen i Fonna AS, som følge av...

Tommy stod på og lukkast

Endeleg, etter fire års innsats av fleire gode krefter, og ikkje minst Tommy Gundersen (24) sjølv, har han fått lærlingeplass og er nærast sikra jobb i framtida.