NYTT KAPITTEL: Einar Wathne er ferdig i Cargill. (Foto: Cargill)
NYTT KAPITTEL: Einar Wathne er ferdig i Cargill. (Foto: Cargill)

Wathne forlet Cargill

Einar Wathne si tid i Cargill er over. Han kjem likevel til å halda fram med å vera tett på næringa.
Publisert 11.01.2019 kl. 09.32. Oppdatert kl. 09.34.

Einar Wathne, som er leiar for sjømat i Cargill Animal Nutrition, sluttar i selskapet 1. februar. Dette skriv Cargill i ei pressemelding.

For fem månadar sidan slutta Wathne som leiar for Cargill Aqua Nutrition. Etter den tid har han, ifølge pressemeldinga, leia eit arbeid med å utforska Cargill sine moglegheiter i nye delar av verdikjeden for sjømat.

– Sjølv om eg no forlet Cargill, kjem eg til å bli tett på sjømatnæringa, og har idéar innan innovasjon og entrepenørskap, som eg håper å bringa ut i livet, seier Wathne i pressemeldinga.Han har vore i Cargill sidan 2015, då selskapet kjøpte opp EWOS.

– Eg veit at Einar etter årevis med reiser og seine møter og telefonsamtalar ser fram til eit nytt og spennande kapittel i livet, og meir tid saman med familien. Eg takkar Einar for leiarskapet hans og det smittsame, brennande engasjementet hans for akvakultur, og ønsker han alt vel vidare, seier Joe Stone, CAN Enterprise Leader.


Siste saker Gå til framsida

Ingen sommar utan is

Kva is smakar best i sommarvarmen? «Tysnes» har spurt dei som kanskje er mest glade i is – barna.