• redaksjonen@tysnesbladet.no

I ei ny undersøking forsikringsselskapet Frende har fått utført, svarar 30 prosent av dei spurde på Vestlandet at dei vaskar klede og brukar tørketrommel om natta.

– Det er ein sjanse eg aldri ville tatt, seier Øystein Øren, som er fagsjef i Frende, og sjølv småbarnsfar.

Brannvesenet si rapportering viser at det har vore over 70 brannar i tørketromlar dei tre siste åra, og sist veke var det utrykking til ein tørketrommel-brann på Os.

– Bebuarane var heldigvis heime og vakna, seier varabrannsjef og beredskapsleiar Arne Monsen i Os brann og redning.

Tidleg varsling gjorde at skadane på huset blei begrensa.

– Eg har vore i brannvesenet i 40 år, og har rykt ut til ei lang rekkje slike brannar. Det gjeld å ikkje bruka tørketrommel, vaskemaskin eller oppvaskmaskin om nettene eller når du ikkje er heime, seier Monsen.