KLAR FOR TYSNESFEST: Matoma kjem til Tysnes i sommar. Her frå konserten på Gjerstad i 2015. (Arkivfoto: Lena Helvik)
KLAR FOR TYSNESFEST: Matoma kjem til Tysnes i sommar. Her frå konserten på Gjerstad i 2015. (Arkivfoto: Lena Helvik)

Ny norsk stjerne klar for Tysnesfest

Matoma returnerer til Gjerstad i juli.
Publisert 21.01.2019 kl. 18.52. Oppdatert kl. 18.55.

Det melder dagleg leiar i Tysnesfest, Øystein Vaage, i ei pressemelding måndag. Hedmarksartisten er dermed det nyaste tilskotet på ein allereie stjerneprega Tysnesfest-plakat, som frå før mellom anna inneheld Aurora, Broiler, Ina Wroldsen, Åge og Sambandet og D.D.E.

Matoma, eller Tom Stræte Lagergren som han eigentleg heiter, har dei siste åra etablert seg som ein av dei største DJ-ane i landet. Det ordentlege gjennombrotet kom i 2015 med ein remix av Notorious B.I.G.-låten «Old Thing Back». Denne har i skrivande stund vorte strøymd nesten 234 millionar gongar på Spotify.

Året etter vart artisten sin hittil største hit gjeve ut. Låten «All Night», saman med det britiske bandet The Vamps, gjekk inn på hitlistane over heile Europa, og har til no vorte avspelt 372 millionar gongar på Spotify.

LES OGSÅ: Luxus Leverpostei laga fest på Mandelhuset

Matoma var også på Gjerstad arena under Tysnesfest i 2015.

– Han klarte verkeleg å setja fyr på Gjerstad sjølv om han spela ganske tidleg på kvelden. I år tek han med seg ein mykje større produksjon og blir avslutningsnummeret på fredagskvelden, fortel Øystein Vaage.

Han er godt nøgd med å få Matoma på plass på Tysnesfest-plakaten.

– Eg liker han veldig godt personleg. Han er ein av dei mest jordnære artistane i landet, seier Vaage.

LES OGSÅ: Helge Jordal tilbake til Kjevikjo

Matoma sjølv var godt nøgd med å underhalda Tysnesfest-publikummet tilbake i 2015.

– Det er morosamt å spela på mindre stader. Det krev meir av meg som artist, både energimessig og spelemessig, sa Matoma til «Tysnes» for tre år sidan.

Med namn som Matoma, Broiler, Aurora og Åge Aleksandersen klare for festivalen, manglar det ikkje mykje før heile norgeseliten er samla på Gjerstad i juli. Fleire av artistane kjem tilbake etter å ha spela på Tysnes tidlegare.

– Me har fått med mange artistar som har gjeve store konsertopplevingar under Tysnes tidlegare, avsluttar Vaage.

LES OGSÅ: – Målet er å gje ut eige album


Siste saker Gå til framsida

Fjord1 vil møta tysnespolitikarane

Prosjektdirektør Nils Kristian Berge i Fjord1 set si lit til at politikarane i Tysnes godkjenner søknaden om nytt teknisk bygg på ferjekaien i Våge på neste møte i utval for landbruk/teknisk.

Svindel-e-post florerer

Politiet har fått inn fleire meldingar om svindel-e-post. – Me har mellom anna fått fleire henvendingar frå folk som mottek e-post med vedlagt faktura, frå bedrifter som dei ikkje har vore i kontakt med i det heile tatt, fortel Susann Rosvold, politibetjent ved Tysnes lensmannskontor. – Dette er rein svindel, og viss fleire har opplevd å få ein slik faktura, kan dei sjå bort...