MINDRE TRAFIKKUHELL: Politiet rykte måndag morgon ut til ei utforkøyring på Onarheim.
MINDRE TRAFIKKUHELL: Politiet rykte måndag morgon ut til ei utforkøyring på Onarheim.

Bil på sommardekk utfor vegen

Politiet gjorde førarkortbeslag etter utforkøyring på Onarheim i morgontimane måndag.
Publisert 21.01.2019 kl. 12.15. Oppdatert kl. 12.21.

Det var rundt klokka 09.00 måndag morgon at politiet fekk beskjed om ei utforkøyring på fylkesveg 79 på Onarheim. Det opplyser vakthavande politipatrulje ved Fusa lensmannskontor.

Det var ein utanlandsk sjåfør med leigebil på sommardekk som hadde køyrt av vegen. Både bil og førar kom uskadd frå hendinga, men grunna det upassande dekkvalet opprettar politiet sak mot sjåføren, og det vart teke beslag i førarkortet på staden.


Travel helg

Det vert vidare opplyst frå lensmannskontoret at det har vore ei travel helg for politiet. Både på Tysnes og i Fusa har det vore fleire hendingar.

I 11-tida fredag kveld fekk politiet melding om ein eldre mann som var forsvunnen frå omsorgssenteret i Uggdal. Mannen vart funnen i god behald to timar seinare.Laurdag kveld vart politiet tilkalla til Mandelhuset under Luxus Leverpostei-konserten. Vakthavande politipatrulje fortel at ein mann i slutten av 20-åra, som er heimeverande i distriktet, slo ned ei vakt bakfrå. Vaktene fekk sjølve kontroll på mannen, og fekk han vekk frå Våge. Saka vert anmeldt i ettertid.

Det vert opplyst frå lensmannskontoret at ting elles gjekk fint føre seg under konserten laurdag.


Siste saker Gå til framsida

Fjord1 vil møta tysnespolitikarane

Prosjektdirektør Nils Kristian Berge i Fjord1 set si lit til at politikarane i Tysnes godkjenner søknaden om nytt teknisk bygg på ferjekaien i Våge på neste møte i utval for landbruk/teknisk.

Svindel-e-post florerer

Politiet har fått inn fleire meldingar om svindel-e-post. – Me har mellom anna fått fleire henvendingar frå folk som mottek e-post med vedlagt faktura, frå bedrifter som dei ikkje har vore i kontakt med i det heile tatt, fortel Susann Rosvold, politibetjent ved Tysnes lensmannskontor. – Dette er rein svindel, og viss fleire har opplevd å få ein slik faktura, kan dei sjå bort...