Ferjeentusiast på bibliotekturné
Då vil han fortelja frå den nyaste boka si; «61 veteranbåtar på Vestlandet», som handlar om dei mest sentrale veteranbåtane frå Hordaland, Rogaland og Sogn og Fjordane.
I føredraget kjem han inn på ferjer som har vore ein viktig del av samferdsla i Hordaland, og om dei gamle fjordabåtane og bilferjene som er tekne vare på her i fylket.
Forfattaren har skrive fleire bøker om veteranbåtar, rutebåtar og ferjer knytt til Hardanger Sunnhordlandske D/S: «Damp, diesel og pågangsmot», «Fram og tilbake over fjorden – om HSD, ferjer, ferjekaier og ferjeruter» og «Fram og tilbake til by’n» – om rutene og båtane til HSD.
I tillegg har han vore medforfattar i jubileumsboka «Eit skip heitte Stord». Han har også skrive ei rekkje artiklar og vore aktiv med føredrag i maritime miljø.
Sætre, som er oppvaksen i Kvinnherad kommune, er engasjert i bevaring av lokalrutebåtane på Vestlandet. Han ønskjer å synleggjera det store arbeidet mange gjer for fartøyvernet, og det å ta vare på eldre rute- og fraktbåtar.
Etter det kring 45 minuttar lange føredraget, blir det høve til å stilla spørsmål.
