Kvinne (23) frå Hordaland sakna i Spania

Vest politidistrikt melder laurdag kveld at ei kvinne frå Hordaland er sakna i Spania. Den etterlyste kvinna skal vera frå Tysnes.
Publisert 26.01.2019 kl. 23.19. Oppdatert kl. 23.32.

Etter det «Tysnes» forstår skal den sakna ha vakse opp på Tysnes. Ifølgje Vest politidistrikt er det mora som har meldt dottera i Spania sakna.

Den 23-år gamle kvinna bur for tida i Spania, og er sist sett i Madrid av bekjente der.

– Familien hadde sist kontakt med den sakna måndag 21. januar, skriv Vest politidistrikt i ei pressemelding laurdag kveld.

Vest politidistrikt etterforskar saka for å lokalisera den sakna, og for å avklara om det har hendt noko med henne. Det er via Kripos oppretta dialog med spanske styresmakter og spansk politi.

Her kan du lesa kva NRK skriv om saka.


Siste saker Gå til framsida

Fjord1 vil møta tysnespolitikarane

Prosjektdirektør Nils Kristian Berge i Fjord1 set si lit til at politikarane i Tysnes godkjenner søknaden om nytt teknisk bygg på ferjekaien i Våge på neste møte i utval for landbruk/teknisk.

Svindel-e-post florerer

Politiet har fått inn fleire meldingar om svindel-e-post. – Me har mellom anna fått fleire henvendingar frå folk som mottek e-post med vedlagt faktura, frå bedrifter som dei ikkje har vore i kontakt med i det heile tatt, fortel Susann Rosvold, politibetjent ved Tysnes lensmannskontor. – Dette er rein svindel, og viss fleire har opplevd å få ein slik faktura, kan dei sjå bort...