SLITEKAMP: Norunn Ebbesvik (midten) og dei andre Tysnes-spelarane klarte ikkje å hamla opp med Kjøkkelvik denne gongen.
SLITEKAMP: Norunn Ebbesvik (midten) og dei andre Tysnes-spelarane klarte ikkje å hamla opp med Kjøkkelvik denne gongen.

Rota det til mot Kjøkkelvik

Tysnes IL sitt damelag hadde ikkje forma fredag kveld.
Publisert 26.01.2019 kl. 11.39.

I desember vann dei 24-12 borte mot Kjøkkelvik (KIL/MIL/SSK 3). Men då det same laget vitja Tysneshallen før helga, gjekk det heilt skeis. Etter mykje «klabb og babb» på parketten, enda kampen 13-24.

– Dette er ein kamp me burde ha vunne, sukka tysnestrenar Sveinung Halvorsen etter kampslutt.


Mange bommar

Dei dårlege taktene var til stades frå byrjinga av. Tysnes hadde mange skot på mål, men ballen trefte altfor ofte stolpe eller vegg.

Målmessig hang heimelaget likevel med i kampen dei første minutta, men så drog Kjøkkelvik meir og meir ifrå.Pauseresultatet blei 8-12.

I andre omgang bomma Tysnes på straffe for tredje gong, og måldifferansen mellom dei to laga vaks seg stadig større. Og medan heimelaget berre fekk nettkjenning fem gonger i denne omgangen, scora Kjøkkelvik tolv mål.

Til slutt stod det 13-24 på måltavla, og Kjøkkelvik kunna jubla over ein solid bortesiger.


– Skrekkeleg dårleg

– Det tok ein og ein halv omgang før me skjøna at det var ein handballkamp me var med på, var trenar Sveinung Halvorsen sin første kommentar til «Tysnes» etter at kampen var blåst av.

Han etterlyste innsats i timeout’ane, men damelaget var ikkje «skrudd på» i det heile, meinte han.

– Det byrja å koma seg litt 15 minutt ut i andre omgang, men elles var dette skrekkeleg dårleg. Dei stolte ikkje på seg sjølve, og ingenting stemte. Eg er veldig skuffa.

– Eg håpar publikum får betre underhaldning på TV i kveld, la han til med eit skeivt smil, og sikta med det til det norske herrelandslaget sin kamp mot Tyskland.


Møter snart topplaget

Tysnes ligg på 6. plass i si avdeling i 5. divisjon, og har til no fem sigrar og sju tap. 8. februar bør dei henta fram alt dei har av motivasjon og krefter, for då kjem topplaget Åsane 2 til Tysneshallen. Dei har vunne alle sine 12 kampar så langt denne sesongen.

Desse spelte på fredag: Kristin van der Meeren (9), Hannah Rød Halvorsen, Signe Pettersen Opdal (1), Tea Hollevik Kleppe, Maria Lillesletten Hagen (1), Ragnhild Dalland, Lena Nordal (1), Sara Reimdal Vee, Norunn Ebbesvik, Julie Bakke, Renathe Hagen-Lunde (1) og Petra Sløgedal.


TOPPSCORAR: Kristin van der Meeren scora ni mål i kampen, men det heldt ikkje til poeng.
TOPPSCORAR: Kristin van der Meeren scora ni mål i kampen, men det heldt ikkje til poeng.
OPPGITT: Trenar Sveinung Halvorsen forstod ikkje kva som gjekk av laget på fredag.
OPPGITT: Trenar Sveinung Halvorsen forstod ikkje kva som gjekk av laget på fredag.

Siste saker Gå til framsida

Leiar: God dialog med grunneigarane er nødvendig

Over 90 personar på folkemøte om E39-planane viser at det er heilt nødvendig at vegvesenet stiller på Tysnes for å informera om status for den nye stamvegen.Store delar av Tysnes har vore samde om at ein ny E39 bør gå gjennom kommunen vår. Kommunestyret i Tysnes har vore samrøystes på dette. Politikarane var og...