FAMILIETUR: F.v. Sindre L. Lien (10), pappa Espen Lien, mamma Siril Langhelle og Simen L. Lien (7) på tur i skianlegget i Solheimsdalen.
FAMILIETUR: F.v. Sindre L. Lien (10), pappa Espen Lien, mamma Siril Langhelle og Simen L. Lien (7) på tur i skianlegget i Solheimsdalen.

Heile familien på skitur i Solheimdalen

Siril Langhelle og Espen Lien og dei to borna deira, Simen og Sindre, fekk ein flott skidag i Solheimsdalen søndag.
Publisert 27.01.2019 kl. 19.47.

– Ja, det har vore ein veldig fin dag, fortel Siril og Espen.

Dei to gutane deira, Simen (7) og Sindre (10) er også godt nøgde med dagen.

– Me har gått nokre rundar i løypetraseen, og så har me vore ein tur innover mot Grostølen og øvd på ploging og svinging, fortel Sindre.

Familien på fire bur til vanleg på Os, men så å seia kvar helg tek dei turen til hytta på Nyborg på Onarheim. Det er ikkje så lange turen frå Os til hytta.

– Me er ofte ute i naturen når me er på Tysnes, fortel Siril og Espen.

Dette er den fyrste dagen dei er på ski på Tysnes i år.

Siril skryt av den nye varmestova til Onarheim idrettslag.

– Det er eit veldig flott tiltak. Tidlegare måtte me gjerne gå heim når det vart kaldt og borna begynte å frysa. No kan ein gå inn og varma seg, kommenterer ho.

– Og så er det veldig fint at det er ljos i anlegget. Då kan me ta oss ein kveldstur. Ljos på parkeringsplassen er også eit pluss, seier dei.


Fullt på parkeringsplassen

Siril og Espen og borna deira var slett ikkje åleine på ski denne søndagen. På parkeringsplassen var det tett med bilar, midt på dagen var det nesten ikkje råd å finna seg ein plass å parkera.

I skianlegget var det også mange, både rundt i løypa og rundt varmestova. Idrettslaget hadde fyrt opp bålpanna og serverte varm drikke. Enkelte nyfikne fekk også ei omvising i den nye skihytta.

Ivar Helland frå Tysnesbygda hadde familien med på skitur. For Ivar var det den fyrste skituren på bortoverski nokosinne.

– Det gjekk overraskande fint på julepresangskia, seier han smilande.

Han legg til at turen gav meirsmak.

– Det blir nok fleire turar, seier han, etter nokre rundar i løypetraseen, i lag med svigerinna Rannveig Ljostveit Helland.

Rannveig er overvelda over den nye varmestova.

– All ære til Onarheim idrettslag. Dette var veldig flott. Det einaste me no håpar på, er at det kjem masse snø, seier ho.Ole Skaten


GAV MEIRSMAK: Ivar Helland og svigerinna Rannveig Ljostveit Helland fekk seg nokre fine rundar i skianlegget. Dei tek gjerne turen tilbake.
GAV MEIRSMAK: Ivar Helland og svigerinna Rannveig Ljostveit Helland fekk seg nokre fine rundar i skianlegget. Dei tek gjerne turen tilbake.
SAMLINGSPLASS: Den nye varmestova til Onarheim idrettslag med bålpanna utanfor var søndag samlingsplass for lokale skientusiastar.
SAMLINGSPLASS: Den nye varmestova til Onarheim idrettslag med bålpanna utanfor var søndag samlingsplass for lokale skientusiastar.

Siste saker Gå til framsida

Leiar: God dialog med grunneigarane er nødvendig

Over 90 personar på folkemøte om E39-planane viser at det er heilt nødvendig at vegvesenet stiller på Tysnes for å informera om status for den nye stamvegen.Store delar av Tysnes har vore samde om at ein ny E39 bør gå gjennom kommunen vår. Kommunestyret i Tysnes har vore samrøystes på dette. Politikarane var og...