SIGER: Tysnes, for høvet i blåe drakter, slo Fana på heimebane laurdag. (Alle foto: Ragnhild Malkenes)
SIGER: Tysnes, for høvet i blåe drakter, slo Fana på heimebane laurdag. (Alle foto: Ragnhild Malkenes)

Slo Fana og held fram på tabelltopp

J15-laget har fem kampar på seg til å sikra plass i fylkesmeisterskapen.
Publisert 28.01.2019 kl. 13.00.

– Det var ein kjekk kamp, fortel Geir Austvik, trenar for Tysnes sitt Jenter 15-lag.

Laurdag fekk dei besøk av Fana 2 i Tysneshallen, og Tysnes fekk seg ein flott siger på heimebane.


Grei kontroll

Tysnes-jentene opna kampen godt, og hadde kontroll på kampen i fyrste omgang. Til pause stod det 9-4 på resultattavla.

I andre omgang vart heimelaget meir utfordra av laget frå Fana.

– Det vart tøffare i andre omgang, og motstandarane hadde ein tøffare spelestil, men jentene stod imot og våga å ta duellane, fortel Austvik.

Det var ein målrik siste halvdel av kampen, og sluttresultatet vart 19-14.

– Det var som vanleg ein god forsvarskamp, og keeper Emma Marie Bruntveit redda 69 prosent av skota. Laget jobba godt, og me speler oss til fine sjansar, oppsummerer trenaren.

LES OGSÅ: Rota det til mot Kjøkkelvik


Har med seg sjølvtillit

J15-laget står dermed med åtte sigrar, éin uavgjort og eitt tap så langt i sesongen. Trenar Austvik fortel at det er god stemning i laget for tida.

– Me jobbar mykje med å gjera kvarandre gode og heia på kvarandre.

Arbeidet har førebels gjeve utteljing for laget.

– Me får til og meistrar det me øver på, og me får til gode trekk. Då byggjer me sjølvtillit for kvar kamp, seier Austvik.

LES OGSÅ: – Det var ingen som trudde me skulle vinna


Nøkkelkamp

Tysnes leiar serietabellen med fem kampar igjen av sesongen. Den største utfordraren er Kjøkkelvik, som berre er eitt poeng bak. Vinnaren av ligaen får sjansen i fylkesmeisterskapen etter sesongen er ferdig.

Om to veker spelar Tysnes-jentene sin neste kamp, mot nettopp Kjøkkelvik i Olsvikhallen.

– Det vert ein vanskeleg bortekamp, og det vert ein nøkkelkamp med tanke på å vinna serien, fortel Austvik.

Laget frå Tysnes kan likevel reisa til Bergen med ei god kjensle. Dei har møtt Kjøkkelvik to gongar tidlegare denne sesongen, og komt sigrande frå begge oppgjera.

LES OGSÅ: Var på treningsleir i Sør-Afrika


JUBEL: Kampen enda 19-14, og heimelaget kunne feira sigeren.
JUBEL: Kampen enda 19-14, og heimelaget kunne feira sigeren.
STRAFFEKAST: Keeper Emma Marie Bruntveit er fast straffeskyttar på laget, og sette inn fire mål frå sju meter mot Fana.
STRAFFEKAST: Keeper Emma Marie Bruntveit er fast straffeskyttar på laget, og sette inn fire mål frå sju meter mot Fana.
TOPPSCORAR: Brita Austvik fekk mange sjansar, og vart toppscorar i kampen med sju mål.
TOPPSCORAR: Brita Austvik fekk mange sjansar, og vart toppscorar i kampen med sju mål.
TABELLTOPP: Med åtte sigrar på ti kampar er tysnesingane på tabelltopp, og med i kampen om å få spela i fylkesmeisterskapen.
TABELLTOPP: Med åtte sigrar på ti kampar er tysnesingane på tabelltopp, og med i kampen om å få spela i fylkesmeisterskapen.

Siste saker Gå til framsida

Lesarbrev: Takk til alle som strikka varme plagg i førjulsstria

Ynsket om å få inn heimestrikka gåver starta med oppdaginga av at nokon av flyktningeborna gjekk utan sokkar i støvlane. Dette er noko som me «innfødde» har ryggmargsrefleks på, medan våre nye naboar ikkje er vane med dette. Bygdekvinnene, sokneråd, foreiningar og private sette i gang med strikking, og resultata let ikkje venta på seg.Frivilligsentralen fekk samla inn rundt 100...