PÅ VINNARSPORET: Maria Andronikidou og dei andre Tysnes-jentene slo Sotra 3 søndag. Her frå sigeren mot Nordre Fjell i haust. (Arkivfoto: Camilla Korsnes)
PÅ VINNARSPORET: Maria Andronikidou og dei andre Tysnes-jentene slo Sotra 3 søndag. Her frå sigeren mot Nordre Fjell i haust. (Arkivfoto: Camilla Korsnes)

– Jentene er fantastisk flinke

Ein jamn kamp mot Sotra enda med siger for J12-laget.
Publisert 30.01.2019 kl. 10.17.

Som Jenter 15-laget, har også Tysnes sitt Jenter 12-lag hatt ein god handballsesong så langt. Søndag spelte dei sin trettande kamp for sesongen, og sigeren mot Sotra 3 gjer at dei framleis heng med i tetstriden i si avdeling.


Jamn kamp

Trenar Ingebrigt Vermedal fortel at det vart ein jamn kamp då dei vann i Bildøyhallen søndag.

– Me starta litt slapt, og låg under med eitt mål til pause.

I andre omgang var tysnesingane det beste laget, og sluttresultatet vart 13–16 i favør Tysnes.

LES OGSÅ: Slo Fana og held fram på tabelltopp


Tett bak Kjøkkelvik

Laget ligg på 2. plass på tabellen. Dei er seks poeng bak leiarlaget Kjøkkelvik 3, men har to kampar mindre spelt. Tysnes sine to einaste tap denne sesongen har komt mot nettopp Kjøkkelvik.

– Kjøkkelvik skal møta dei to andre topp fire-laga i dei neste kampane, så det er mogleg at dei kan gje frå seg poeng i dei kampane, seier Vermedal.

Laga trenaren refererer til er Løv-Ham 2 og Årstad 2, som begge står likt med Tysnes.

LES OGSÅ: Rota det til mot Kjøkkelvik


Sju kampar igjen

Tysnes-jentene skal i sin neste kamp tilbake til Sotra for å møta Sund. I november enda heimeoppgjeret 17–8 til Tysnes.

– Viss dei speler slik dei stort sett har gjort denne sesongen, så er Sund eit lag dei normalt skal slå, fortel trenaren.

Han kan melda om kjekke dagar som trenar for eit godt jentelag.

– Eg er kjempefornøgd. Jentene er fantastisk flinke, og det er god stemning i laget.

Jenter 12-laget har sju kampar igjen av sesongen, og dei fem siste er på heimebane i Tysneshallen.

– Det er flott viss det kjem litt folk på kampane for å støtta laget på slutten av sesongen, oppmodar Vermedal.

LES OGSÅ: – Det var ingen som trudde me skulle vinna


Siste saker Gå til framsida

Vegstenging - Myrdal

Vegen til Myrdal vert stengt fredag 22. mars mellom klokka 0800 og 15.00 på grunn av vegarbeid. Gjeld for for privatbilar på strekkja ovanfor Hagen. Brann og ambulanse får passera.