GOD UNDERHALDNING: Latteren sat laust i Vonheim då ungdommane slo til med synkronsvømming på scenen. Fremst ser me Mia Jensen Nes. (Foto: Camilla Korsnes)
GOD UNDERHALDNING: Latteren sat laust i Vonheim då ungdommane slo til med synkronsvømming på scenen. Fremst ser me Mia Jensen Nes. (Foto: Camilla Korsnes)

Synkronsvømte på scenen – høglydt latter frå salen

Torsdag vitsa, song og dansa tiandeklassingane seg gjennom showet. I dag skal dei gjenta suksessen.
Publisert 01.02.2019 kl. 16.14. Oppdatert kl. 16.28.

Salen i Vonheim var stappfull. Foreldre, besteforeldre, søsken, vennar, lærarar – alle hadde dei tatt turen for å sjå nyttårsshowet til tiandeklasse. Lufta formeleg sitra av forventning.

Så, med eitt, var det i gang.


Fellessong og sikkerheit

Elevane slentra blide inn på scenen, med sving i stega. Frå høgtalarane ljoma Barbie Girl av Aqua.

Deretter var det duka for kveldens første felles-song; elevane sin eigen versjon av Status Quo sin «In the army now».

Elevane var òg opptatte av at publikum skulle føla seg trygge. Gaute Eide Bergstø og Håvard Skorpen hadde sikkerheitsdemonstrasjon, med ein liten tvist.

Med nasal stemme, i rolla som flykaptein, leia Bergstø publikum gjennom alt frå plassering av nødutgangar, til oppblåsing av redningsvestar; sistnemnde med Håvard Skorpen som prøvekanin.

Bergstø glei rett inn i rolla, og losna på smilebanda og lattermusklane til publikum. Det skulle ikkje bli siste gong han gjorde det den kvelden.


Trygge og scenevande

Rhine Storetvedt og Sunniva Lie Solheim fekk hovudansvaret som konferansierar. Den oppgåva løyste dei med glans.

Tiandeklassingane presterte gong på gong, nummer etter nummer. Dei viste eit breitt spekter av både humor, dans og song.

Samtlege songarar imponerte stort. Her kan journalisten nemna i fleng: Anette Christensen, Marta Luna, Malin Dalland, Emma Marie Elgsås og fleire. Lista er lang.

Fleire av elevane viste seg òg som multitalent: Elisabeth Helgesen spelte både horn og bass, og Jannike Berge Espevik både song og spelte keyboard og trekkspel.


Stand-up-komikar

Då Gaute Eide Bergstø entra scenen igjen, var det for å driva med stand-up-komedie.

Den unge komikaren heldt salen i si hole hand, og leverte vits etter vits, til latter frå salen.

Både lærarar og jenter som går fleire om gongen på toalettet fekk gjennomgå, men aller mest lo publikum av ein anektdote om tanta hans:

Ifølgje Bergstø er tanta tannlege. Det fører blant anna til at ho, midt i middagsselskap med familien, ber om å få sjå på tenna til nevøen.

– Det er no bra ho er tannlege, og ikkje gynekolog, gliste Bergstø, medan salen braut ut i eit kollektivt latterbrøl.


Andre halvdel

Etter litt over ein time med song, sketsjar og dansing, var det lagt opp til pause.

Først på programmet etter pausen, var eit knippe filmar tiandeklassingane hadde laga.

Spesielt filmen «Parterapi», der elevane spelte ut scenar frå den populære serien, gjorde seg populær hos publikum.

Eit av nummera som utmerka seg i andre halvdel, var synkronsvømminga. Eit knippe jenter og nokre gutar, iført badebikini, framførte eit godt koordinert svømmenummer på scenen. Godt gjort, utan ein einaste dråpe vatn!

Mot slutten av programmet delte elevane ut blomar til lærarane. Deretter fekk dei sjølve blomar av rektor.

Showet blei avslutta med fellessong, ein spesialversjon av «Take me home, country roads», der siste vers var på norsk, og handla om Tysnes.

I kveld har publikum nok ein sjanse til å få med seg det strålande nyttårsshowet.








BAUD PÅ SEG SJØLVE: Eit av mange fengande innslag var denne jentedansen, framført av Emma Marie Elgsås (midten) og ein god bunt veninner.  (Alle foto: Camilla Korsnes)
BAUD PÅ SEG SJØLVE: Eit av mange fengande innslag var denne jentedansen, framført av Emma Marie Elgsås (midten) og ein god bunt veninner. (Alle foto: Camilla Korsnes)
OPPBLÅSBAR VEST: Før showet tok til, var Håvard Skorpen med på ein aldri så liten sikkerheitsdemonstrasjon.
OPPBLÅSBAR VEST: Før showet tok til, var Håvard Skorpen med på ein aldri så liten sikkerheitsdemonstrasjon.
VALS: Marita Fagerbakk og Annica Vee gav kvarandre eit ømt blikk.
VALS: Marita Fagerbakk og Annica Vee gav kvarandre eit ømt blikk.
SKODESPEL: Henriette Lid Hillesvik i samtale med Jannike Berge Espevik, som spelte blind.
SKODESPEL: Henriette Lid Hillesvik i samtale med Jannike Berge Espevik, som spelte blind.
STAND-UP: Gaute Eide Bergstø hadde god kontakt med publikum, og viste seg som ein lovande komikar.
STAND-UP: Gaute Eide Bergstø hadde god kontakt med publikum, og viste seg som ein lovande komikar.
FLOTTE JENTER: Fleire var innom programleiar-rolla, men Rhine Storetvedt (t.v.) og Sunniva Lie Solheim hadde hovudansvaret for denne oppgåva.
FLOTTE JENTER: Fleire var innom programleiar-rolla, men Rhine Storetvedt (t.v.) og Sunniva Lie Solheim hadde hovudansvaret for denne oppgåva.
OVERRASKING: Musikklærar Arne Kleppe heiv  på seg parykken og framførte to eigne songar, saman med eit jenteband.
OVERRASKING: Musikklærar Arne Kleppe heiv på seg parykken og framførte to eigne songar, saman med eit jenteband.
STILFULLT: Besteveninnene Isabell Hordnes og Marie Karoline Antonette Torheim leverte ein fin dans.
STILFULLT: Besteveninnene Isabell Hordnes og Marie Karoline Antonette Torheim leverte ein fin dans.
GJEST: Plutseleg sat sjølvaste Mullah Krekar på scenen.
GJEST: Plutseleg sat sjølvaste Mullah Krekar på scenen.
FLEIRSPRÅKLEG: Talentfulle Marta Luna Santillana song både på engelsk og spansk.
FLEIRSPRÅKLEG: Talentfulle Marta Luna Santillana song både på engelsk og spansk.
FELLESSONG: 10. klasse-elevane fekk ståande applaus frå salen då dei avslutta showet med «Take Me Home, Country Roads».
FELLESSONG: 10. klasse-elevane fekk ståande applaus frå salen då dei avslutta showet med «Take Me Home, Country Roads».

Siste saker Gå til framsida

Onsdag: Ordføraren treng ei forsamling på E-brygga

Eit innlegg publisert i den offentlege Facebook-gruppa «Oppslagstavlo Tysnes» har vekt mykje nysgjerrigheit. – Hei alle saman! I morgon, onsdag 26. juni, treng eg litt hjelp frå store og små, innleiar Kleppe i innlegget som blei lagt ut tysdag kveld. Han skriv vidare at han skal vera med i eit program som skal...