BLID: Latteren sat laust, då redaktør Ole Skaten blei feira i dag. (Foto: Vetle Mikkelsen)
BLID: Latteren sat laust, då redaktør Ole Skaten blei feira i dag. (Foto: Vetle Mikkelsen)

Feirar 40 år i avisbransjen

1. februar 1979 hadde Ole Skaten sin første dag i «Tysnes». I dag blei han feira med kake.
Publisert 01.02.2019 kl. 15.02.

– Utpå 70-talet kom «Tysnes» ut annankvar torsdag. Det var ingen faste tilsette i redaksjonen, og arbeidet blei hovudsakleg gjort på dugnad, seier «Tysnes»-redaktør Ole Skaten.

I 1978 blei det vedteke at avisa skulle koma ut ein gong i veka, og at ein skulle tilsetja ein person i fast stilling.

Skaten blei då tilsett som journalist, og i tillegg skulle han montera avis-sidene.

– 1. februar 1979 hadde eg min fyrste arbeidsdag, i det private huset til dåverande redaktør Einar Skår, fortel den røynde pressemannen.

I år er det altså 40 år sidan Skaten hadde første arbeidsdag i avisa. Det feira redaksjonen med marsipankake frå Hardanger Bakeri.

I «Tysnes» jobba Skaten fyrst to og eit halvt år, før han enda opp i bladet Sunnhordland som typograf. Der var han fem år, før det bar tilbake til heimplassen Tysnes:

– Eg fekk ein telefon frå Lorentz Lunde, om at eg måtte søkja på stillinga som redaktør i bladet Tysnes, seier Skaten.

Resten er historie.


Siste saker Gå til framsida

Fjord1 vil møta tysnespolitikarane

Prosjektdirektør Nils Kristian Berge i Fjord1 set si lit til at politikarane i Tysnes godkjenner søknaden om nytt teknisk bygg på ferjekaien i Våge på neste møte i utval for landbruk/teknisk.

Svindel-e-post florerer

Politiet har fått inn fleire meldingar om svindel-e-post. – Me har mellom anna fått fleire henvendingar frå folk som mottek e-post med vedlagt faktura, frå bedrifter som dei ikkje har vore i kontakt med i det heile tatt, fortel Susann Rosvold, politibetjent ved Tysnes lensmannskontor. – Dette er rein svindel, og viss fleire har opplevd å få ein slik faktura, kan dei sjå bort...