BRA «TRØKK»: Stemninga stod i taket då Kriminell Kunst opptredde på Arena under 100 dagar. (Foto: Peter Tubaas)
BRA «TRØKK»: Stemninga stod i taket då Kriminell Kunst opptredde på Arena under 100 dagar. (Foto: Peter Tubaas)

Kriminell Kunst til Tysnesfest

Publisert 04.02.2019 kl. 12.52. Oppdatert kl. 13.59.

Sist helg gjekk festivalen og bransjetreffet 100 Dagar av stabelen på Stord. Her gjorde ei rekkje band sitt beste for å underhalda publikum, og blant dei som gjorde ein ekstra god jobb på scenen, var det energiske Stavanger-bandet Kriminell Kunst.

Dei blei stemt fram som årets vinnar i talentbyggingsprosjektet Vestlandssatsinga, og har med det sikra seg spelejobb på festivalar som Malakoff, Utkant, Bygdalarm, og sist men ikkje minst Tysnesfest.

Festivalane som er med i Vestlandssatsinga har følgjande å seia om bandet:

«Kriminell Kunst sitt musikalske bilete er eit massivt graffitiverk. Hiphop med feite rytmar, og refreng så uimotståelege at du syng med uansett. Dette er elegante rap’arar med relevante triks. Lure flir, deileg driv, humor og eruptiv attitude. Oppsiktsvekkande høg kvalitet på låtar, lyd, show og utførsel. Det er kriminelt bra, og det er kunst av frekkaste sort.»

Kriminell Kunst opptrer på Gjerstad Arena laurdag 13. juli.


Siste saker Gå til framsida

Fjord1 vil møta tysnespolitikarane

Prosjektdirektør Nils Kristian Berge i Fjord1 set si lit til at politikarane i Tysnes godkjenner søknaden om nytt teknisk bygg på ferjekaien i Våge på neste møte i utval for landbruk/teknisk.

Svindel-e-post florerer

Politiet har fått inn fleire meldingar om svindel-e-post. – Me har mellom anna fått fleire henvendingar frå folk som mottek e-post med vedlagt faktura, frå bedrifter som dei ikkje har vore i kontakt med i det heile tatt, fortel Susann Rosvold, politibetjent ved Tysnes lensmannskontor. – Dette er rein svindel, og viss fleire har opplevd å få ein slik faktura, kan dei sjå bort...