HISTORIEVANDRING: Sokneprest Per Hjemdal er klar for å læra tysnesingane meir om bibelhistoria. (Foto: Camilla Korsnes/Jørgen Hjemdal)
HISTORIEVANDRING: Sokneprest Per Hjemdal er klar for å læra tysnesingane meir om bibelhistoria. (Foto: Camilla Korsnes/Jørgen Hjemdal)

– Bibelen er jo ei vanvitig fascinerande bok

15. og 16. februar får dei bibelinteresserte i kommunen noko å gleda seg over.
Publisert 04.02.2019 kl. 15.01.

– Dette er eit opplegg der me trekker dei store linjene i bibelhistoria, seier sokneprest Per Hjemdal.

Austlendingen er til dagleg prest i Etne, men kjem til Tysnes 15. og 16. februar, for å arrangera bibelvandring for vaksne.

Bibelvandringa vil finna stad i Uggdal kyrkje.

Deltakarane vil bli tatt med på ei bibelhistorisk reise, frå skapinga av universet til Noas ark, historia om Jesus og historia etter Jesus.


Lærerikt

– Bibelen er jo ei vanvitig fascinerande bok, med ei viktig historie som har prega samfunnet vårt gjennom tusen år, seier Hjemdal.

Ifølgje presten inneheld Bibelen fleire hemmelegheiter, som folk ikkje veit om. Nokre av desse vil ein kunna læra om under bibelvandringa.

– Alle kjem til å læra noko nytt, det er ein garanti me har, seier Hjemdal, som meiner at også dei mest bibelinteresserte vil kunna læra noko nytt.

Sjølve opplegget er utforma av Bibelselskapet, og finst i variantar både for vaksne og barn. I Tysnes har trusopplærar Heidi Hollekim stått for sistnemnde.


Kjent på Tysnes

– Kva er ditt forhold til Tysnes?

– Eg er fødd og oppvaksen i Oslo, men då eg blei prest fekk eg jobb i Bergen. Då gjekk eg og «vindaugeshoppa» etter feriehus, og fann eit på Reksteren, fortel Hjemdal.

Det enda han opp med å kjøpa, og både han, kona og barna har mange fine minne derifrå.

– Det har vore vårt ferieparadis sidan 1999, seier han.

Presten har òg alltid likt å gå rundt i dei ulike kyrkjene i kommunen.

Bibelvandringar har Hjemdal drive med i nokre år no, og han har gjennomført opplegget i blant anna Etne, Uskedalen og Skånevik.

– Eg har hatt dette kurset mange gongar, og det er hyggeleg å få koma og gjera det på Tysnes, seier han.


Siste saker Gå til framsida

Fjord1 vil møta tysnespolitikarane

Prosjektdirektør Nils Kristian Berge i Fjord1 set si lit til at politikarane i Tysnes godkjenner søknaden om nytt teknisk bygg på ferjekaien i Våge på neste møte i utval for landbruk/teknisk.

Svindel-e-post florerer

Politiet har fått inn fleire meldingar om svindel-e-post. – Me har mellom anna fått fleire henvendingar frå folk som mottek e-post med vedlagt faktura, frå bedrifter som dei ikkje har vore i kontakt med i det heile tatt, fortel Susann Rosvold, politibetjent ved Tysnes lensmannskontor. – Dette er rein svindel, og viss fleire har opplevd å få ein slik faktura, kan dei sjå bort...