• Vetle Mikkelsen
  vetle@tysnesbladet.no

Fredag 8. februar, skal Tysnes musikklag i elden. Då er det duka for brass-NM i Grieghallen i Bergen.

Søndagen i forvegen nytta derfor musikklaget moglegheita til å visa lokalbefolkninga kva dei har øvd på dei siste vekene.

Dei fleire titals fammøtte fekk høyra «Forest of Dean» av Derek Bourgeois. Stykket baud på stor variasjon, med både rolege, nærmast lågmelte parti, og bombastiske, brautande tonar.

Musikklaget framførte det godt innøvde stykket til stor glede for dei frammøtte, meisterleg dirigert av Yngve Nikolaisen.