TIL TYSNES: Fredag 12. juli står Staut på scenen på Gjerstad. (pressefoto)
TIL TYSNES: Fredag 12. juli står Staut på scenen på Gjerstad. (pressefoto)

Valdres-gruppa Staut tilbake til Tysnesfest

Populære Staut er klare for Tysnesfest. Fredag 12. juli står dei på scenen på Gjerstad.
Publisert 07.02.2019 kl. 22.46.

– Staut ga oss ei makalaus oppleving i Kjevikjo i 2015. No er dei klare for Gjerstad arena, melder ein nøgd dagleg leiar i Tysnesfest, Øystein Vaage.

Han gler seg over at bandet som no er klare på få år blitt eit av dei største banda i sin sjanger.

– Fengjande melodiar, sterke og gode tekster, enormt dyktige musikarar og ein heftig driv og energi på scenen er bandet sitt varemerke, melder Vaage om Valdresbandet.

I ei pressemelding frå Tysnesfest torsdag kveld, heiter det:.– Staut kan visa til både gullplater og fyrsteplass på VG-lista. Dei har turnert Noreg på kryss og tvers, og har eit tal konserter som få andre norske band kan matcha. Dei har gjort store TV-opptredenar og ei rekkje av låtane har vore på A-lista på radio.

I heile fjor turnerte sekstetten for fulle hus Norge rundt. Dei rakk også å sleppa tre singlar. Den siste singelen, «Leika Like Ved», har vore spelt mykje på NRK P1.

I januar sleppte dei albumet «Makalaus», som fekk terningkast fem både i Dagbladet og Aftenposten. Tittelen er langt frå tilfeldig: «Makalaus er ein fjelltopp som ligg på grensa mellom Nord-Aurdal og Sør-Aurdal i Valdres. Turen opp dit er verken lang eller krevande, men på toppen får ein ei panoramautsikt som i alle himmelretninger er makalaus – på sin måte. – Det er denne utsikta me i Staut vil visa folk når me no gir ut vårt sjette album. Me håper å ta folk med på ein musikalsk topptur som ikkje er for lang og krevande, men som likevel gir en vidstrakt panoramautsikt inn i vårt landskap av ord og tonar. Her vil du finna ville, rytmiske stryk, stille tjern med vare tonar, melankolske, mollstemte solnedgangar og eit yrande dyreliv med dansande tiur i yppig leik, ein lyrisk rev som kanskje lurer deg fyrste gong du høyrer den – og kanskje, om du lyttar nøye etter, kan høyra ei klok ugle som ular langt inne i skogane, fortel låtskrivar Ørnulf Juvkam Dyve.

Til no er fylgjande artistar annonsert til Tysnesfest 2019:

Aurora, Åge & Sambandet, Broiler, Ina Wroldsen, DDE, Helge Jordal, Staut, Skambankt, Kjartan Lauritzen og Kriminell Kunst.

Ole Skaten

ole@tysnesbladet.no


Siste saker Gå til framsida

Lesarbrev: Takk til alle som strikka varme plagg i førjulsstria

Ynsket om å få inn heimestrikka gåver starta med oppdaginga av at nokon av flyktningeborna gjekk utan sokkar i støvlane. Dette er noko som me «innfødde» har ryggmargsrefleks på, medan våre nye naboar ikkje er vane med dette. Bygdekvinnene, sokneråd, foreiningar og private sette i gang med strikking, og resultata let ikkje venta på seg.Frivilligsentralen fekk samla inn rundt 100...