SKUMMELT: Dette kunne fort gått gale. (Foto: Sven Arve Lande)
SKUMMELT: Dette kunne fort gått gale. (Foto: Sven Arve Lande)

Bossbil sklei bakover: – Det er jo klink is der

Det var dramatiske tilstandar i Vågsmarka i dag, då ein bossbil ikkje kom seg opp bakken.
Publisert 07.02.2019 kl. 14.56.

– Dette kunne vore skummelt. Bossbilen sklei på isen i den øvste brekka, og enda opp på tvers av vegen, fortel Vågsmarka-bebuar Sven Arve Lande.

Ut ifrå det Lande har sett, kan bilen ha sklidd så mykje som 30 meter bakover.

– Det er jo klink is der, seier Lande.

Uhellet skjedde i skuletida, og det var heldigvis ingen som gjekk i bakken då det skjedde.

– Kommunen har ansvaret her. Det er ein kommunal veg som må haldast ved like, seier Lande.

Også bror hans, Bjørn Lande, er bekymra for tilstanden til bakken:

– Eg har sendt bekymringsmelding til kommunen. Eg veit det er bilar som har segla ned bakken den siste tida. Det må følgast opp, seier han.

Då «Tysnes» prata med Sven Arve Lande, rundt klokka 14.40, var SIM-personellet i ferd med å legga kjettingar på dekka til bilen.


Siste saker Gå til framsida

Fjord1 vil møta tysnespolitikarane

Prosjektdirektør Nils Kristian Berge i Fjord1 set si lit til at politikarane i Tysnes godkjenner søknaden om nytt teknisk bygg på ferjekaien i Våge på neste møte i utval for landbruk/teknisk.

Svindel-e-post florerer

Politiet har fått inn fleire meldingar om svindel-e-post. – Me har mellom anna fått fleire henvendingar frå folk som mottek e-post med vedlagt faktura, frå bedrifter som dei ikkje har vore i kontakt med i det heile tatt, fortel Susann Rosvold, politibetjent ved Tysnes lensmannskontor. – Dette er rein svindel, og viss fleire har opplevd å få ein slik faktura, kan dei sjå bort...