FØRSTE GONG: Fredag skal Justine og William i elden i Brass-NM for første gong. (Foto: Vetle Mikkelsen)
FØRSTE GONG: Fredag skal Justine og William i elden i Brass-NM for første gong. (Foto: Vetle Mikkelsen)

Justine og William er NM-debutantar

Fredag skal Tysnes musikklag konkurrera i brass-NM i Bergen. Med seg har dei debutantane Justine og William.
Publisert 07.02.2019 kl. 17.00.

– Eg må vel ha byrja i november, seier William Raknes Leite (14), når han blir spurt om kva tid han blei med i Tysnes musikklag.

Det var rundt den tida Justine Balode (14) òg starta i korpset.

Både kornettisten Justine og slagverkspelaren William har frå før av lang fartstid i Tysnes skulekorps.

Saman med skulekorpset har dei òg deltatt i brass-NM for skulekorps. Den erfaringa er nok god å ha i baklomma, når dei no skal spela i andredivisjon i NM for dei vaksne.


Vekevis med øving

– Me starta å øva etter julekonserten i kyrkja, fortel William.

Dermed har dei fått fleire veker med øving, oftast med to øvingar per veke.

Dei to debutantane håper øvinga viser igjen på NM-resultatet.

– Eg håper me kjem blant topp fem, seier William.

– Eg skulle no ønska me kom på ein førsteplass, skyt Justine inn.

Fredag klokka 10.50 skal dei i elden, så står det att å sjå om NM lever opp til forventningane deira.


Gøy med utfordringar

I forkant av konserten har det vore mykje å læra, reint notemessig.

– Kva har vore den største utfordringa?

– Det har nok vore å halda oppe tempoet, svarer William.

Dei er likevel einige om at det er spennande med nye utfordringar.

– Korleis er det å spela i musikklaget i forhold til skulekorpset?

– Det er vanskelegare notar, så det er ekstra gøy når du får det til, smiler Justine.


Ulike fritidssyslar

Justine og William er begge glade i å spela musikk, men dei har òg andre hobbyar enn korps.

William var blant anna frivillig under Tysnesfest i fjor, og planlegg å gjenta suksessen i år.

Elles liker han å vera sosial:

– Eg er ein del med vennar, seier han.

– Eg har hund, så mesteparten av tida går til den, seier Justine.

Ho er dotter til Sanita Balode, som er kjent i lokalsamfunnet for å driva med kunst. Musikk er òg anerkjent som ei kunstform, så kanskje Justine er slektspåverka?

– Trur du at du har arva kunstnargenane til mor di?

– Det er det alle seier, ler Justine.


Siste saker Gå til framsida

TIX til Tysnesfest 2020

Tysnesfest ligg ikkje på latsida. Dagen etter at festivalen er over, slepper dei den første artisten til neste års festival.

– Dei er sjukt vittige!

Det seier Frida Walde om Ausekarane. Fredag hadde ho og broren Mikkel sikra seg plass heilt fremst ved scenen til årets show.

Debatt: Nei til vindmøller i Tysnesfjella!

Store delar av Tysnes er inkludert i NVE sitt forslag til nasjonal ramme for vindkraft. Tysnes Ap meiner at det ikkje skal byggjast vindmøller i Tysnes kommune.Me er ein relativt liten kommune, med variert natur frå fjord til fjell. Fjellheimen vår er å betrakta som eit einaste stort naturreservat, med eit rikhaldig dyre- og fugleliv.Vindmøller verkar spesielt øydeleggjande for...