MUR: Tysnes-damene kjempa godt mot Åsane, men bergensarane vart for sterke fredag kveld.
MUR: Tysnes-damene kjempa godt mot Åsane, men bergensarane vart for sterke fredag kveld.

Åsane-muren stoppa Tysnes-damene

Tysnes spelte jamnt med serieleiarane halve kampen.
Publisert 09.02.2019 kl. 14.24. Oppdatert kl. 14.42.

– Det var ein glimrande fyrsteomgang, fortel trenar for Tysnes sitt damelag, Sveinung Halvorsen.

Ein god fyrste halvdel av kampen heldt dessverre ikkje for tysnesingane fredag kveld. Serieleiar Åsane 2 var stor favoritt på førehand, og vann til slutt 15–29 i Tysneshallen.

– Alt i alt er ikkje resultatet så gale, seier Halvorsen.


Hang med i starten

Åsane-laget er soleklar serieleiar, og har vunnet alle kampane sine denne sesongen. Tysnes hadde dermed ei stor oppgåve framfor seg.

– Eg sa til jentene før kampen at me måtte vera realistiske, og at det viktigaste er at dei skal gjera sitt beste og vera stolte over den innsatsen dei legg ned, seier trenaren.

Og heimelaget kunne vera stolte over den fyrste omgangen. Laga følgde kvarandre tett i starten, og etter dei fyrste ti minutta stod det 2–3 på resultattavla. Åsane auka like etter på til 2–4 på straffekast, men då skrudde heimelaget opp tempoet, og gjekk inn i sin beste periode i kampen.

LES OGSÅ: Slo Fana og held fram på tabelltopp


I leiinga

I løpet av nokre solide minutt for Tysnes-damene snudde dei kampen og gjekk opp i leiinga. Fyrst reduserte dei til 3–4 etter eit flott innspel frå Kristin van der Meeren til Norunn Ebbesvik på streken, før van der Meeren sjølv sette inn utlikninga på straffekast.

Åsane prøvde nokre raske overganger i denne perioden, men heimelaget stoppa alt som kom mot dei, og Maria Lillesletten Hagen sette inn 5–4 til stor jubel frå dei mange frammøtte i Tysneshallen. Tysnes sin toppscorar for kvelden, Kristin van der Meeren, small inn 6–4, og det såg veldig lyst ut for raudtrøyane.


Åsane snudde

Den fyrste omgangen var prega av godt forsvarsspel, kombinert med mange angrepsfeil hos begge lag. Tysnes hadde heller ikkje marginane med seg, og hadde mange skot i stolpene. I tillegg hadde Tysnes-keeper Ragnhild Dalland ein ny god kamp med mange redningar.

Det hindra ikkje serieleiarane frå Åsane å snu kampen, og etter 18 spelte minutt var stillinga 7–7. Laga følgde kvarandre til det var tre minutt igjen av omgangen. Bortelaget drog litt ifrå, og gjekk til pause med leiinga 10–13.

Trenaren var uansett storfornøgd med prestasjonane mot topplaget i avdelinga.

– Eg er utruleg stolt over fyrsteomgangen til jentene. Det var fantastisk bra, seier Halvorsen.

LES OGSÅ: Jentene er fantastisk flinke


Fann ikkje nettmaskene

Andre omgang vart ikkje den same oppturen for heimelaget. Åsane viste kvifor dei har vore uslåelege i år, samtidig som Tysnes ikkje klarte å finna nettmaskene.

– Åsane får nokre kjappe mål etter pause, og det stokkar seg litt for vår del. Åsane låg også om forsvaret sitt i pausen, noko me ikkje var heilt førebudd på, fortel Halvorsen.

Tysnes fekk ikkje angrepsspelet til, og det tok godt over 10 minutt av omgangen før heimelaget fekk sitt fyrst mål. På same tid hadde bortelaget scora seks mål, og hadde dermed bygd seg opp ein klar leiing. Det løsna litt for Tysnes-damene i siste halvdel om omgangen, men Åsane drog framleis ifrå på resultattavla.


Midt på tabellen

Sluttresultatet vart dermed 15–29 til bortelaget, og den gode fyrsteomgangen gjorde at Tysnes fekk med seg eit respektabelt resultat fredag.

Åsane har i dei siste to kampane vunnet med siffera 44–9 og 48–7 mot høvesvis Viking TIF 2 og Kleppestø. Det var dermed meir motstand i Tysnes-damene for laget som har vunnet 13 av 13 kampar, og som har scora over 400 mål så langt i sesongen.

– Det er respektabelt å berre sleppa inn 29 mål mot desse, fortel trenar Halvorsen.

Tysnes ligg på si side kring midten av tabellen på sjetteplass med ti poeng på 13 kampar. Laget har seks kampar igjen av sesongen, og reiser neste helg til Nordhordland for å møta serietoar Lindås.

LES OGSÅ: Nybakt norgesmeister til Nordenkampen


GOD FYRSTEOMGANG: Åsane har vunnet alle kampane sine denne sesongen, og er det soleklart beste laget i avdelinga, men møtte tøff motstand hos tysnesingane i fyrste omgang.
GOD FYRSTEOMGANG: Åsane har vunnet alle kampane sine denne sesongen, og er det soleklart beste laget i avdelinga, men møtte tøff motstand hos tysnesingane i fyrste omgang.
GOD KAMP: Keeper Ragnhild Dalland stod ein flott kamp i Tysnes-målet, og hadde som vanleg mange gode redningar.
GOD KAMP: Keeper Ragnhild Dalland stod ein flott kamp i Tysnes-målet, og hadde som vanleg mange gode redningar.
TOPPSCORAR: Kristin van der Meeren var ein nøkkelspelar for Tysnes fredag, og den soleklare toppscoraren for heimelaget med ni mål i kampen.
TOPPSCORAR: Kristin van der Meeren var ein nøkkelspelar for Tysnes fredag, og den soleklare toppscoraren for heimelaget med ni mål i kampen.
HANG MED: Heimelaget hadde mange gode skot mot Åsane-målet i fyrste omgang.
HANG MED: Heimelaget hadde mange gode skot mot Åsane-målet i fyrste omgang.

Siste saker Gå til framsida

Fylte gymsalen med song

Viss nokon lurte på kva dei høge lydane på Reiso var rundt lunsjtider sist fredag, var det berre elevane ved Uggdal skule som song så taket nesten løfta seg.