PÅ LANDSLAGET: Pernilla Eugenie Epland (335) sprang inn til 7. plass i landskampen mellom dei fem nordiske landa søndag. (Foto: Rune Helle/Vestpress)
PÅ LANDSLAGET: Pernilla Eugenie Epland (335) sprang inn til 7. plass i landskampen mellom dei fem nordiske landa søndag. (Foto: Rune Helle/Vestpress)

Konkurrerte med sterke løparar frå heile Norden

– Ei kjekk erfaring å ta med seg seg i det vidare treningsarbeidet fram mot sommaren. Det seier Pernilla Epland etter å ha representert Norge i landskampen mellom Norge, Sverige, Danmark, Finland og Island.
Publisert 10.02.2019 kl. 18.33. Oppdatert kl. 22.10.

Nordenkampen gjekk av stabelen i Bærum idrettspark søndag 10. februar. Pernilla deltok på 3.000 meter, der ho representerte Norge saman med Karoline Bjerkeli Grøvdal. Dei to var i aksjon søndag ettermiddag.

Tysnesjenta sprang inn til ein fin 7. plass i det sterke selskapet. Sjølv er ho ikkje heilt nøgd.

– Eg fekk kjenna at eg ikkje har hatt så mykje fartstrening til no i vinter, seier ho.

Det gjekk jevnt dei fyrste to tusen metrane. Deretter sette fleire av løparane ytterlegare opp farten.

– Då klarte eg ikkje å hengja med. Det vart ein litt tung dag for meg, oppsummerer ho.

Men ho er klar på at det var veldig inspirerande å vera på lag med så mange sterke utøvarar. Karsten Warholm sette ny nordisk rekord på 400 meter, Jakob Ingebrigtsen sette ny nordisk rekord på 1.500 meter, og lagveninna til Pernilla på 3.000 meter, Karoline Bjerkeli Grøvdal, knuste ein 34 år gamal rekord.


Siste saker Gå til framsida

Den einaste bollebasaren i verda

To gonger i året blir det skipa til bollebasar på Jensvoll. Styreleiaren for Jensvoll bedehus trur dei har den einaste bollebasaren i heile verda.

Saknar du sofaputa di?

Denne grøne puta blei tysdag føremiddag observert einsam og forlaten i vegbanen på Onarheimsfjellet. Designet er ikkje siste skrik, så den førebelse teorien er at puta kan ha vore ein del av eit tilhengjarlass, på veg mot den sikre død i Eredalen. Men om nokon likevel skulle sakna puta, kan den hentast hos «Tysnes» i Teiglandsvegen 5. Enn så lenge har den fått ein ny sjanse.

Startar prosessen med grunnkjøp til ny barnehage

Kommunestyret har tidlegare vedtatt å byggja ny barnehage på Onarheim. Totalt sett er kostnadsramma på 36,6 millionar kroner, og allereie neste år har kommunen sett av over 13 millionar kroner til prosjektet i investeringsbudsjettet.I år er det også sett av litt midlar for å koma i gang med prosjektet, og i førre kommunestyremøtet diskuterte politikarane grunnkjøp. Politikarane gjekk...